काठमाण्डौँ,८ पुस । काठमाण्डौँको माइतीघर मण्डलामा आज मङ्गलबार पनि जेनजीहरुले प्रदर्शन गरेका छन् । जेनजीहरुको माग पूरा नभएको भन्दै सरकारविरुद्ध जेनजीहरुले प्रदर्शन गरेका छन् ।
यसअघि सोमबार भएको शान्तिपूर्ण प्रदर्शनमाथि सुशीला कार्की नेतृत्वको सरकारले दमन गरेको भन्दै संयुक्त जेनजी आन्दोलनले गम्भीर आपत्ति जनाएको छ। सोमबार मिराज ढुङ्गाना नेतृत्वको जेनजी समूहले प्रदर्शन गरेको थियो ।
संयुक्त जेनजी आन्दोलनका संयोजक मिराज ढुङ्गाना र आन्दोलन कमान्डर सुनिल सिंहले प्रेस विज्ञप्ति जारी गर्दै सरकार दमनमा उत्रिएको भन्दै आपत्ति जनाएको थियो । जेनजी आन्दोलनका मागहरू पूरा नभएसम्म आन्दोलन अझ सङ्गठित र सशक्त रूपमा निरन्तर अघि बढ्ने बताएका छन् ।
