दमक, १४ पुस । कक्षा १० को नेपाली किताबमा समावेश विश्वेश्वरप्रसाद कोइरालाको ‘शत्रु’ कथालाई मधुमल्लामा रहेको रिलायन्स सेकेन्डरी बार्डिङ स्कुलका विद्यार्थीले नाटक मार्फत जिवन्त पारेका छन् । गत पुस १० गतेबाट दमकमा रहेका कदम थ्रेटरमा प्रद्धशन गरिएको उक्त नाटकको पुस १४ गते औपचारिक रुपमा समापन गरिएको छ ।
उक्त कार्यत्रममा मिक्लाजुङ गाउँपालिकाको प्रमुख को प्रमुख आतिथ्यता रहेको थियो भने पालिकाका शिक्षा अधिकृत,जनप्रतिनिधीहरु सहित विभिन्न विद्यालयका प्रधानाध्यापकहरुको र विद्यार्थीहरुको सहभागिता रहेको थियो । उक्त नाटकलाई रेकर्ड गरी राष्ट्रिय नाट्य कार्यक्रममा समेत देखाईने विद्यालयले जनाएको छ ।
नाटक हेरीसकेपछि मिक्लाजुङ गाउँपालिका अध्यक्ष बबि कुमार राई विद्यार्थीहरुले देखाएको नाटक आफूले परिकल्पना गरेको भन्दा पनि एकदमै राम्रो रहेको बताउँदै आफ्नै घर मिक्लाजुङमा पनि यति राम्रो राम्रो नाटक गर्नसक्ने विद्यार्थी रहेको आफूलाई थाहा भएको प्रतिक्रया दिनुहुन्छ ।
किताबको कथामा सिमित रहेको कथालाई जिवन्त बनाएर देखाउने सबै विद्यार्थी कलाकारहरु एकदमै प्रतिभाशाली रहेको बताउदैँ नाटकमा अभिनय गर्ने कलाकारहरुलाई कुनै दिन ठुलो पर्दामा देख्न पाउने आशा व्यक्त गर्नुहुन्छ मिक्लाजुङ गाउँपालिका शिक्षा शाखा अधिकृत काशीनाथ खनाल ।
विद्यालयमा हुने हरेक विभाग र कक्षालाई प्रयोगात्मक कार्य गराउदा नाट्य विभाग भने पछाडी नपरोस् भनी नाटक सिक्ने विद्यार्थीलाई प्रोत्साहन गर्न नै यो नाट्य शोको आयोजना गरेको बताउनुहुन्छ रिलायन्स सेकेन्डरी बार्डिङ स्कुलका प्रिन्सीपल वाङ्ग्य तामाङ शेर्पा ।
उक्त नाटक शो बाट उठेको रकम दमकमा रहेको बालवृद्धा आश्रममा सहयोग गरिने विद्यालयले जनाएको छ ।
