दमक, १६ पुस । दमकको व्यापारिक इतिहास हेर्ने हो भने, यहाँ केवल पसल र कम्पनी मात्र छैनन्। यहाँ त्यस्ता हातहरू छन्, जसले सपनालाई आकार दिएका छन्। चुनौती देखेर पछाडि नहट्ने, जिम्मेवारी देखेर अगाडि उभिने नेतृत्व यतै जन्मिएको छ।त्यही नेतृत्वको नाम हो,भगवान बस्नेत।
२०३१ बैशाख २१ गते । तेह्रथुमको जलजलेमा जन्मिनुभएका भगवान बस्नेत २०३५ सालमा परिवारका साथमा दमक झर्नुभयो ।जीवनको यात्रा सहज थिएन। २०४४ सालतिर दमक बसपार्कबाट सुरु भएको सानो किराना व्यवसायले नै उहालाई सिकायो मेहनत, धैर्य र इमानको अर्थ।समयसँगै उहा केवल आफूका लागि मात्र होइन, अरूका लागि पनि बाटो बनाउन थाल्नुभयो । आज उहाँ झापाली इटा उद्योग, विलकन इन्डस्ट्री र ओम निर्माण सेवा सञ्चालन गर्दै कम्तिमा १५० जनालाई प्रत्यक्ष रोजगारी दिईरहनु भएको छ ।
रोजगारी सिर्जना, त्याग, र जिम्मेवारी यी उहाका वास्तविक परिचय बनेका छन । वर्ष २०१४ मा दमक जेसिजको अध्यक्ष हुँदा उहाले युवालाई उद्यमतर्फ उन्मुख बनाउने कामलाई प्राथमिकता दिनुभयो । प्रशिक्षण, मोटिभेसन, अवसर र पहुँचका कार्यक्रम गरेर युवाले नेतृत्व गर्न सक्छन् भन्ने कुरामा उहाले धेरैलाई विश्वास दिलाउनुभयो । लायन्स क्लब अफ दमक माउन्ट एभरेस्टको अध्यक्ष बनेर असहाय, विपन्न र पीडितको अबस्थामा साथ दिने नेतृत्व पनि देखाउनुभयो । भगवान बस्नेतले मानवीय सेवा केवल भाषण होइन, व्यवहारबाट सिद्ध गरिरहनु भएको छ । त्यसपछि इटा व्यवसायी संघ, कोशी प्रदेशको अध्यक्ष बनेर उहाले उद्योगहरुलाई आधुनिक बनाउने, वातावरणमैत्री प्रविधि ल्याउने र नीति सुधारका लागि पहल गर्दै आउनु भयो । जसकाकारण अहिले उद्योग, वातावरण र समुदाय बीच सन्तुलन मिलेको छ ।
आज दमक उद्योग वाणिज्य संघ महत्त्वपूर्ण मोडमा छ। संघलाई योजना चाहिएको छ । अनुभव चाहिएको छ । र, परिणाम ल्याउन जान्ने नेतृत्व चाहिएको छ । ये सबै कुरा भगवान बस्नेतमा देख्न सकिन्छ । उहासग उद्यमको धरातलीय अनुभव, सामाजिक सेवाबाट आएको संवेदनशीलता, र संस्थालाई रूपान्तरण गर्ने स्पस्ट दृष्टि छ। व्यवसायीको हक अधिकार, सुरक्षित लगानी, उद्योगमैत्री नीति, रोजगारी विस्तार, र सहकार्यको संस्कृति उहाले सिक्नु भएको छ । त्यसैले, आसन्न पुस १८ को निर्वाचनमा दमक उद्योग वाणिज्य संघको बरिष्ठ उपाध्यक्षका रूपमा
उहाको नेतृत्वलाई धेरै व्यवसायीले “सबैभन्दा स्पष्ट, सबैभन्दा भरोसायोग्य” र विकल्पविहीन नेतृत्वको रूपमा हेरेका छन्।
