दमक, १४ माघ । बर्खा लाग्यो हिलोका कारण हिड्नै नसकिने । हिउँद सुरु हुन्छ धुलो उडेर घरबाट बाहिर नस्किनै नसकने । यती मात्रै कहाँ होर ? धोएर सुकाएको लुगा सुकेर उठाउँन जादा धुलै धुलो भएर फेरी धुनुपर्ने अवस्था । अनी घरमा बसेका बालबालिका र बृद्धबृद्धाहरुमा दमको रोग बढ्ने । यस्ता कयौ समस्या भोगीरहेका थीए दमकको कृष्णमन्दीर देखी उत्तर ढुकुरपानी हुँदै बाघखोर जाने नागरीकले ।
तर अहिले स्थिती र अवस्था फेरीएको छ । घर अगाडीनै फराकीलो त्यो बनी बलियो कालेपत्रे सडक बनेको छ । त्यसबेला देखीकै यो सडकको उपभोग गर्दै आउनु भएका बहादुर राई भन्नु हुन्छ पहिला साईकल समेत कुदाउन नसकिने सडक अहिले यत्तीको फराकीलो कालोपत्र सडक भएको छ । सबै कुरामा सहज भएको छ ।
उसो त यो सडक नबने सम्म यस क्षेत्रका नागरिकले यो सडक बन्न पर्यो भन्दै नेता तथा नेतृत्वलाई प्रश्न गरीरहे । जसले गर्दा यो चुनावी एजेण्डा पनि बन्ने गरेको थियो । यहाँबाट जीताएर पठाएका प्रतिनिधीको पहलबाट यो सडक बन्न सफल भएको भन्दै अर्को उपभोक्ता केशव भण्डारी भन्नु हुन्छ त्यो बेला हालेको भोट खेर गएन, हाम्रो गाउँ र ठाउँ बन्यो ।
अहिले सडक गाउँको भीत्र सम्मै पुगेको छ । अव बागखोरबाट दमक झर्न धेरै समय खर्चनु पर्दैन । केहि मिनेटमै दमक बजार आइपुगिन्छ । यसो हुदा बारीमा केहि फल्यो र बेच्न लैजानु पर्यो भनेपनि कुनै समस्या छैन । धेरै फलाउन सके व्यापारी गाडी लिएर बारीमै आउँछन् । यसकारण यो बाटाले बिभिन्न तरिकाबाट फाईदा पुर्याइरहेको भण्डारीको भनाई छ ।
सडक पूर्वाधार विकासको एउटा अनिवार्य योजना हो । अन्उ निर्मित योजनाहरुमा पुग्न सबैभन्दा पहिला सडकनै बन्न पर्छ । त्यसैले सडक निर्माण विकासको पूर्वाधार रहेकोले व्यस्थित र सुरक्षीत सडक निर्माण सन्दर्भमा आगामी निर्वाचनका उम्मेदवारहरुले आफ्नो घोषणा र योजना पत्रमा समावेश गराउन पनि यस क्षेत्रका नागरिकले सुझाव दिएका छन् ।
