दमक, १५ माघ । वरिपरि जङगल डाँडाकाँडा भएको ठाँउ । विचमा खोला । जाहाँ लामो समय सम्म वारिपारि गर्न कुनै माध्यम थिएन। वर्खाको समयमा खोला तर्रे घाँस दाँउरा गर्न गएका किसान,काम गर्न गएका मजदुर देखी विद्ययालय गएका विद्ययार्थीलाइ समते घर फर्कीन समस्या थियो । स्थानियको अनुसार कति मानिसलाई खोलाले बगाएको पनि छ। दमकबाट मदन भण्डारी राजमार्ग हुदै इलामको चुलाचुली जोड्ने पुल नहँुदा स्थानय देखी यात्रुलाई समेत सास्ती थियो । तर सरकारले यही क्षेत्रबाट मदन भण्डारी राजमार्ग बनाउने निर्णय गर्योे र देशभर बन्ने पुलहरु एकै साथ यहीबाट सिलान्यास समेत गरीयो ।
पुर्व प्रधानमन्त्री केपि शर्मा ओलीले यो ठाउँबाट सुरु गरेको पुल निर्माण अभियानले अन्तिम रुप दिएको छ । सुरु गरिएको यो पोइन्टका नागरीले यो पुल बनिसकेपछि के राहत महसुस गरे त ?
चुलाचुलीका दिल कुमार गौतमको आँखै अगाडीबाट यो रतुवा तर्दै गर्दा कयौ व्यक्ति बगेका छन। पशु चौपाया बगाएर हराएका छन् । बिरामी पर्दा खोला तरेर दमक सम्म जान नसक्दा घरमै कतिपयले मृत्यू वरण गर्नुपरेको पनि उहाँले देख्नु भयो । ती कहालीलाग्दो अवस्था स्मरण गर्दै गौतम भन्नु हुन्छ रतुवामा यती पुल मात्रै बन्दा पनि हामीले धेरै न्याय पायौ। सहजै स्वास्थ्य उपचार गराउन सक्न जाने भयौ ।
पुल बनेपछि वारी र पारीको सम्बन्ध त प्रकट हुन्छ नै तर यसले नागरिकका कयौ समस्याको समाधान पनि गर्छ । समाधान मात्रै गर्दै यहाँबाट नयाँ सम्भावनाका ढोकाहरु पनि खेल्ने गर्छन । सुरक्षीत पुल निर्माण भएपछि तराई र पहाडको उत्पादनले बजार पाएको छ । गाउँको बाँझो जमिनमा उत्पादन गर्छु र बेच्छु भन्दा सहज हुने गरेको छ । कृषि पर्यटनको सम्भावना बढाएको छ । तराईकाहरु पहाड हेर्न र पहाडकाहरु तराईको महसुस गर्न आउने र जाने गर्दछन् ।
मदन भण्डारी राजमार्ग यही क्षेत्रबाट निर्माण गराउनु र यहाँका यसखालका समस्यालाई एउटै निर्णय र नितीबाट पुरा गराउने दुरदर्शी जनप्रतिधी आफुहरुको आवश्यकता रहेको भन्दै स्थानीयबासीले अनुरोध गरेका छन् । आगामी निर्वाचनमा समेत एउटै निर्णय र नितीले देशभर विकासमा नयाँ आयाम ल्याउन सक्ने गरीको जनप्रतिनिधी चुन्न यस क्षेत्रका नागरीले अपील समेत गरेका छन् ।
