दमक,२८ चैत ।यो दृष्य हो झापा स्थित दमकमा रहेको मालपोत कार्यालयको । प्रधानमन्त्री बालेन्द्र शाहको निर्वाचन क्षेत्रमा पर्ने यो मालपोत कार्यालयमा अहिले सेवाग्राहिहरुले सहजै सेवा पाउन थालेका छन् । केहि दिन सम्म पर्खनु पर्ने काम, केहि घण्टामै हुन थालेको छ भने कुनैपनि बिचौलीयालाई छिटो काम गराईदिनु भन्दै अतिरिक्त रकम पनि बुझाउनु पर्दैन । अनी अर्को कुरा हिजो पैसा तिरे पछि आफु बाहिरै आनन्दले बस्दा पनि हुन्थ्यो । कुन फाँटमा गएर के काम गर्ने भन्ने आम सेवाग्राहिले थाह पाउँदैन थिए । लेखापढि व्यवसायी वा यस सम्बन्धमा जानेका व्यक्तिलाई काम गराउन भन्दै पैसा दियो काम हुन्थ्यो । तर अहिले त्यो व्यवस्था छैन । अर्थात यसरी अरुको काम गराइदिन भन्दै कोहिपनि बिचौलीयालाई मालपोत र नापी कार्यालयमा प्रवेश निशेध छ । यसले गर्दा सेवा दिन सेवाग्राहि प्रत्यक्ष कार्यालयमा जानै पर्छ । यसो गर्दा राज्यलाई तिर्नुपर्ने निश्चित राजस्व बाहेक अन्य कुनैपनि शुल्क तिर्नुपर्दैन । सेवाग्राहिले अहिले सहजै सेवा पनि पाउन थालेका छन् ।
पहिला कर्मचारी र बिचौलीया बिचको सेटिङ हुने, सेवाग्राहिलाई कर्मचारीले हप्की दप्की गर्ने, त्यहि सेवाग्राहिको काम लिएर बिचौलीया गए सहजै काम हुने वातावरण थियो भन्दै सेवाग्राहिका गुनासा व्याप्त हुने गरेको थियो । तर अहिले कर्मचारी सुध्रीएका छन् । सेवाग्राहिसँग शिष्ट भाषा बोल्छन् । कुन फाँटमा गएर के सेवा लिने नझर्की संयमय भएर सम्झाउने गरेका छन् । काम पनि तिव्र गतीमा हुने गरेको अनुभव सेवा ग्राहिले गर्न थालेका छन् ।
मालपोत र नापी कार्यालयमा बिचौलीया छिर्न नपाउने भएपछि सुरु सुरुमा सेवाग्राहिलाई अन्यौल पनि हुन सक्छ । सँधै बिचौलीया मार्फतनै काम गराउन बानी परेपछि यसो भएको पनि हुन सक्छ । यो अवस्थालाई महसुस गरेर मालपोत कार्यालय दमकले सेवाग्राहिको सहजीकरण गर्न भनेर एक जना बेग्लै कर्मचारी खटाएको छ । ति कर्मचारीले सेवा लिन आउने सेवाग्राहिलाई फाटहरुको बारेमा जानकारी दिने तथा अन्य केहि प्राविधिक सहजीकरण गर्ने गरेको छ । यसले सेवाग्राहि कहाँ गएर आफुले सेवा लिने भन्नेबारेमा थाह हुन्छ र सहज सेवा प्रावह हुने गरेको दावि मालपोत र नापी कार्यालयका अधिकृतहरुको छ ।
आम सर्वसाधरणको बढि भीड लाग्ने सरकारी निकाय हो मालपोत र नापी कार्यालय । यो कार्यालयमा बिना घुस वा अतिरिक्त रकम नतिरे सम्म काम गर्नै मुस्किल हुन्छ भन्ने गरीको स्थिती बनाइएको थियो । तर अहिले बालेन शाहको नेतृत्वमा सरकार बनेपछि बिना घुस पनि मालपतो र नापी कार्यालयबाट सेवा पाउन सकिन्छ त्यो पनि बिना झण्जट भन्ने कुराको प्रमाणीत भएको छ । सुशाशन स्थापना गर्न लगाइएको यो नियमले निरन्तर्ता पाएमा सेवाग्राहिलाई अझ बढि राहत मिल्ने देखिन्छ ।
