दमक, २ जेठ । झापाको बिर्तामोडमा रहेको यातायात व्यवस्था कार्यालयमा विदाको दिन(शनिबार) बिचौलियाको रजगज भन्ने शिर्षकको समाचार उज्यालो खवरमा प्रकाशन भएपछि यस कार्यालयका कार्यालय प्रमुखले खण्डन गर्नु भएको छ ।
उहाँले आज शनिबार केहि दिन अघीमात्रै आइपुगेका लाइसेन्सहरुको ‘इन्ट्रि’ गर्न केहि कर्मचारीलाई बोलाइएको भन्दै स्पष्टिकरण दिनु भएको छ ।
उहाँले भन्नु भयो ‘ कार्यालय अझै व्यवस्थित बनीसकेको छैन । त्यसको व्यवस्थपान गर्न बिदाको दिन समेत काम गर्नु परिरहेको छ । हामीले चारजना कम्प्यूटर अपरेटर तथा सहायक अपरेटरहरुलाई भनेका थियौ । सायद उहाँहरुनै काम गरिरहनु भएको थियो होला । ’
कार्यालय प्रमुख प्रेम सापकोटाले उज्यालो खवरलाई स्पष्टिकरण दिदै भन्नु भयो हामीले त्यहाँ रङ्गरोगन तथा अन्य मर्मतका काम पनि गरिरहेका छौ । त्यसैलेपनि कामगर्ने कार्यालयमा भएको हुन पर्छ । ’
उहाँले समाचारमा प्रकाशन भएजस्तो कोहिपनि बिचौलीया नभएर कर्मचारीहरुनै रहेको स्पष्ट पार्नुभयो ।
