काठमाडौं– नेपाल भ्रमणमा रहेका चिनियाँ विदेशमन्त्री एवम् स्टेट काउन्सिलर वाङ यीले एमाले अध्यक्ष केपी शर्मा ओलीसँग भेट वार्ता गरेका छन्। विदेशमन्त्री वाङले एमाले अध्यक्ष ओलीलाई हायत होटलमा भेट गरेका हुन्।
यसअघि आज बिहान विदेशमन्त्री वाङले राष्ट्रपति विद्यादेवी भण्डारीसँग भेटवार्ता गरेका थिए। तीनदिने नेपाल भ्रमणमा रहेका वाङले आजै माओवादी अध्यक्ष पुष्पकमल दाहाल ‘प्रचण्ड’सँग भेट गर्ने कार्यक्रम रहेको छ।
यसअघि चिनियाँ विदेशमन्त्री वाङले शनिवार प्रधानमन्त्री शेरबहादुर देउवासँग शिष्टाचार भेट गरेका थिए।
नेपाली समकक्षी नारायण खड्कासँग छलफल पछि विभिन्न ९ वटा समझदारी पत्रमा दुई देशले हस्ताक्षर गरेका थिए।
