अमेरिकी राष्ट्रपति डोनाल्ड ट्रम्पले इरानसँगको शान्ति सम्झौता र युद्धविराम समाप्त भएको घोषणा गरेसँगै विश्व अर्थतन्त्रमा त्यसको प्रत्यक्ष असर देखिन थालेको छ।
मध्यपूर्वमा बढेको तनावका कारण अन्तर्राष्ट्रिय बजारमा कच्चा तेलको मूल्य उकालो लागेको छ भने एसिया र युरोपका सेयर बजार दबाबमा परेका छन्।
अमेरिका–इरान तनाव चर्किएपछि ब्रेन्ट क्रूडको मूल्य करिब ६ प्रतिशतले बढेर ७८ अमेरिकी डलर प्रति ब्यारेल पुगेको छ। ऊर्जा आपूर्ति प्रभावित हुन सक्ने चिन्ताले तेलको मूल्य अझै बढ्न सक्ने अनुमान गरिएको छ।
मध्यपूर्व संकटले विश्वव्यापी महँगी बढाउने र ऊर्जा आपूर्तिमा अवरोध आउन सक्ने आशंकाबीच युरोपेली सेयर बजारमा करिब १.६ प्रतिशतको गिरावट आएको छ।
यसैबीच युरोपेली संघ उड्डयन सुरक्षा एजेन्सी (भ्ब्क्ब्) ले सुरक्षा जोखिमलाई ध्यानमा राख्दै विमान कम्पनीहरूलाई इरान, इराक र लेबनानको हवाई क्षेत्र प्रयोग नगर्न सुझाव दिएको छ।
उड्डयन सुरक्षा सम्बन्धी यो निर्देशन हालका लागि ३१ अगस्ट २०२६ सम्म लागू हुने बताइएको छ। तर, मध्यपूर्वको अवस्था अनुसार यसलाई समयअगावै पुनरावलोकन गर्न सकिने जनाइएको छ।
विश्व बजारदेखि यात्रासम्म असर पार्न सक्ने मध्यपूर्व तनावले आगामी दिनमा कस्तो रूप लिन्छ भन्नेमा लगानीकर्ता र अन्तर्राष्ट्रिय समुदायको ध्यान केन्द्रित भएको छ।
