वीरगन्ज,१२ साउन । वीरगन्ज (पर्सा) वीरगन्जस्थित नारायणी अस्पतालमा बिरामीको मृत्युपछि भएको तोडफोड र चिकित्सकहरूमाथि भएको कुटपिटको विरोधमा अस्पतालका चिकित्सकहरूले सामूहिक राजीनामा दिएका छन्।
सुरक्षाको ग्यारेन्टी नभएको भन्दै चिकित्सकहरूले पर्साका प्रमुख जिल्ला अधिकारी र जिल्ला प्रहरी प्रमुखको राजीनामाका साथै दोषीमाथि कडा कारबाहीको माग राखेका छन्।
नेपाल मेडिकल एसोसिएसनको आह्वानमा भएको यस आन्दोलनका कारण नारायणी अस्पतालको आकस्मिक सेवा पूर्ण रूपमा ठप्प भएको छ भने देशभरका ओपीडी सेवासमेत प्रभावित भएको छ।
जसका कारण टाढा(टाढाबाट उपचारका लागि आएका सर्वसाधारण बिरामीहरू मारमा परेका छन्।
