काठमान्डौं,२० साउन । कीर्तिपुरस्थित त्रिभुवन विश्वविद्यालय परिसरको राधास्वामी सत्संग परिसरमा राखिएका थापाथली बागमती किनारका सुकुम्बासीहरुको स्वास्थ्य अवस्था परीक्षण गर्दा लामो समयदेखिको जोखिमपूर्ण जीवनको असर देखिएको छ।
वर्षौंदेखि नदी किनारमा असुरक्षित बसोबास गर्दै आएका उनीहरुमा उच्च रक्तचाप, मधुमेह, श्वासप्रश्वास, मानसिक समस्या लगायतका रोग देखिएका छन्। दशरथ रंगशालामा गरिएको प्रारम्भिक स्वास्थ्य परीक्षणमा मात्रै करिब ३० प्रतिशतमा उच्च रक्तचाप, १५ प्रतिशतमा मधुमेह र अन्य विभिन्न स्वास्थ्य समस्या देखिएको थियो।
चिकित्सकका अनुसार प्रदूषित पानी, फोहोर, बाढीको जोखिम र असुरक्षित बसाइका कारण उनीहरुको शारीरिक तथा मानसिक स्वास्थ्यमा गम्भीर असर परेको छ। केही परिवारले बाढी, रोग र दुर्घटनाका कारण आफन्तसमेत गुमाएका छन्।
होल्डिङ सेन्टर पुगेपछि भने नियमित स्वास्थ्य परीक्षण, उपचार र मनोसामाजिक परामर्श सुरु भएको छ। आँखा, मुटु, मानसिक स्वास्थ्य तथा दीर्घरोग भएका व्यक्तिहरुलाई अस्पतालसम्म पु¥याएर उपचारको व्यवस्था भइरहेको छ।
