दमक,२१ साउन । कपडा नाप्ने रडवाला मिटर, खाद्यान्न तथा तरकारी नाप्ने तराजु र त्यहा प्रयोग गरिएको ढक, अनि तरल पदार्थ नाप्ने लिटर वा अन्य उपकरण जे सुकै होस तपाईले कुनैपनी सामान नापेर वा तौलेर बेच्नुहुन्छ भने तपाईं सचेत बन्नुहोस । किनकी तपाईले ती नापतौलका उपकरण वार्षिक नविकरण गर्नु भएन, अध्यावधिक गर्नु भएको छैन भने तपाईलाई सरकारले जरिवाना तिराउने छ ।
किन ? किनकी यसरी अध्यावधिक नगरी, नविकरण नगरी कुनैपनी सामान , वस्तुको नापचाज गरेर क्रेता अर्थात ग्राहकलाई बेच्नुभयो भने त्यो उपभोक्तामा गरिएको ठगी हुन सक्ने बताईएको छ । गुणस्तर तथा नापतौल कार्यालय झापाका सहायक निरिक्षक अमित कुमार र्कणले नापजाँचको त्यो उपकरणको शुद्धता , परिणाममा एकरुपता ल्याउन र उपभोक्ता आफ्नो परिणाममा ठगिमा पर्न नपरोस भनेर यसरी बर्सेनि नापजाँच गर्नै पर्ने बताउनु भयो ।
उसो त यो हरेक वर्ष आफ्ना नापतौलका उपकरणको सामान बोकेर गुणस्तर तथा नापतौल कार्यालयमै गएर नविकरण , दर्ता तथा अबस्थाको परिक्षण गराउनै पर्छ । तर नापतौलको कार्यालय चन्द्रगढिमा मात्र भएकोले दमकका व्यवसायीको सहजताका लागि नापतौल कार्यालयको प्राविधिक र अधिकृत तहसम्मको टोली दमक उद्योग वाणिज्य संघमै ल्याईएको छ । संघमा प्रथम उपाध्यक्ष रुबल अधिकारीका अनुसार यो घुम्ती सेवाले ब्यापारीलाई चन्द्रगढी सम्म पुग्नुपर्ने बाध्यताको अन्त्य गरिएको र कुनै दुबिधा हुदा संघले सहजीकरण समेत गर्नेगरेको उहाले बताउनुभयो ।
दमक उद्योग वाणिज्य संघले दमकका व्यापारीका लागी यो सुबिधा हरेक वर्ष दिदै आएको छ ।
