जनकपुर,२६ साउन । वरिष्ठ साहित्यकार डा।राजेन्द्र विमलको निधन भएको छ ।
७९ वर्षको उमेरमा मंगलबार विहान जनकपुरधानको प्रादेशिक अस्पतालमा उहाँको मृत्यु भएको परिवारजनले जानकारी दिनु भएको छ । सोमबार राती एक्कासी स्वास्थ्यमा समस्या देखापरेपछि उहाँलाई अस्पताल लगिएको थियो ।
उहाँको आजै दिउँसो ३ बजे जनकपुरधामस्थित स्वर्गद्वारीमा अन्त्येष्टि गरिने छ । विमलको निधनसँगै नेपाली तथा मैथिली साहित्यले एउटा लामो र सक्रिय साहित्यिक यात्राको अन्त्य भएको छ ।
विशेषगरी जनकपुरधाम र मिथिलाको सामाजिक, सांस्कृतिक तथा राजनीतिक जीवनलाई नेपाली साहित्यको आख्यानमा स्थापित गर्ने साहित्यकारका रूपमा उहाँको विशिष्ट पहिचान थियो ।
स्व. राजेन्द्र विमल मधेश प्रदेशका प्रदेश प्रमुख डा.सुरेन्द्र लाभका जेठो दाजु हुनुहुन्छ ।
