विराटनगर,१ भदौं । जिल्ला कारागार मोरङका कैदीबन्दीले सोमबार बिहान प्रदर्शन गरेका छन्। प्रहरीले कारागारभित्र खानतलासी सुरु गरेपछि ब्लक ‘बी’ का कैदीबन्दी छतमा बसेर प्रदर्शनमा उत्रिएका हुन्।
विराटनगर–८ स्थित कारागारमा बिहान करिब ५ बजेदेखि प्रहरीले खानतलासी सुरु गरेको थियो। खानतलासीसँगै विवादास्पद छविका अभिषेक गिरीका सहयोगीलाई अन्यत्र स्थानान्तरण गर्ने तयारी गरिएको बताइएको छ।
खानतलासीका क्रममा कैदीबन्दीले प्रहरीलाई अवरोध गर्दै प्रशासनले आफूहरूलाई बारम्बार दुःख दिएको आरोप लगाएका छन्। घटनास्थलमा प्रमुख जिल्ला अधिकारी युवराज कटेल र मोरङ प्रहरी प्रमुख एसपी कवित कटवालसहितको टोली पुगेको छ।
