दमक, १ भदौ । पछिल्लो समय दमक चोक र बजार क्षेत्रका गल्ली गल्लीमा डेण्टल क्लिनीकहरु रहेका छन् । अधिकांश चलीरहेका छन् । यही क्रममा नयाँ नयाँ डेण्टल खुल्ने क्रमपनि रोकिएको छैन ।
आवश्यक मापदण्ड पुरा गर्दै दमक ६ थानारोडमा सोमबार अर्थात भदौ १ गतेबाट अर्को नयाँ डेण्टल सुरु भएको छ । सप्तकोशी डेण्टल केयर प्राली नाम दिइएको सो डेण्टलको सोमबार औपचारीक उद्धघाटन गरिएको छ ।
डेण्टल तथा स्वास्थ्य सस्था सञ्चालन गरीरहेका अनुभवीहरुको लगानीमा खुलेको सप्तकोशी डेण्टल केयरको पाँचजना कन्या अर्थात पञ्कन्याले रिवन काटेर उद्धघाटन गरेका थिए ।
सरीता न्यौपाने, रेविका कार्की, हरी अधिकारी र गणेश बास्कोटाको संयूक्त लगानीमा रहेको यो डेण्टल क्लिनीकमा करिव ५० लाख रुपैँया लगानी गरिएको बताइएको छ ।
आधुनिक उपकरण तथा प्रविधि साथै दक्ष चिकित्सक एवं डेण्टीस मार्फत सेवा दिने उद्धेस्यले सप्तकोशी डेण्टल केयर प्रालि खोलीएको सञ्चालीका सरीता न्यौपानेले जानकारी दिनुभयो ।
