दमक, १४ भदौ । जान्नेका लागी व्यवसाय एक एक एघार हो । नजान्नेकालागी व्यवसाय एक मा एक सुन्य पनि हो ।
हो यो वाक्य दमकका आर के थापासग मेल खान्छ । उहाँले विदेशमा गएर काम गर्नु भएको थियो । विदेशमा उहाँले समयको महत्व बुझ्नु भयो, आफ्नो जिम्मेवारी कसरी बहन गर्ने भन्ने जान्नु भयो अनी काममा निरन्तर्ता दिदा के सम्म हुन्छ भन्ने पनि उहाँले सिक्नु भयो ।
त्यही अनुभवलाई उहाँले स्वदेश फर्केपछि प्रयोग गर्नुभयो ।१५ वर्ष अघी दमकको देवकोटा चोकमा कपडाका पसलहरु निकै कम मात्रै थिए । यो लाईननै फर्निचर लाईन भनेर परिचीत थियो । बिभिन्न टिनका वक्साका पसल तथा अन्य किचनका सामानहरुको खुद्रा दोकानहरु रहेका थिए । तर थापाले यही ठाउँमा आर के फेन्सी स्टोर खोल्नु भयो । सुरुमा ७ लाखबाट सुरु भएको यो थापाको व्यवासायीक यात्रा कस्तो थियो त ?
कोहि यस्तै कपडा पसल खोलेर चलाउनै सकेका छैनन । बन्द गरेर पलायन समेत भएका छन् । कसैले केहि लाखबाट सुरु गरेको व्यापार करोडौ सम्म पुर्याएका छन् । ती मध्येको एक हुनुहुन्छ थापा । उहाँले व्यापार बाहेक अन्त नजर लगाउनु भएन । बिहान ७ बजे देखी रातको १० बजे सम्म । हरेक दिन उहाँले आफ्नो व्यापार मात्रै सोच्नु भयो । त्यसैले त यो १५ वर्षको यात्रामा दमकमै तीन वटा वटा त्यो पनि भव्य पसलहरु खोल्न सक्नु भएको छ । अहिले उहाँको तीन वटा पसलमै गरेर ४ करोड बढिको लगानी भइसकेको छ भने उहाँको यो व्यवसायबाटै २० जना भन्दा बढिले रोजगार समेत पाएका छन् ।
निरन्तर मिहनत , ग्राहकप्रति मिजासिलो व्यवहार, ग्राहकका हरेक मागलाई पुरा गर्न सक्ने क्षमतालेनै आर के थापालाई अहिले यो उचाईमा पुर्याएको हो ।
