काठमान्डौ,१५ भदौ । अविरल वर्षा पछिको बाढी पहिरोले सडक अवरुद्ध भएपछि बजारमा खाद्यान्न तथा खाना पकाउने ग्यासको अभाव र मूल्यवृद्धि हुन नदिन वाणिज्य,आपूर्ति तथा उपभोक्ता संरक्षण विभागले बजार अनुगमनलाई तीव्र बनाउने भएको छ । विभागले मङ्गलवार ९भोलि० देखि काठमाडौँ उपत्यकामा १० वटा विशेष टोली परिचालन गरी अनुगमनलाई व्यापक बनाउन लागेको हो ।
विभागका सूचना अधिकारी अनिल किराँतीका अनुसार अहिलेसम्म बजारमा ४ वटा टोलीले मात्र अनुगमन गरिरहेकोमा भोलिदेखि थप मन्त्रालयबाट आएका कर्मचारीसहित करिब ४० जनाको १० वटा टोली खटाइनेछ । विभागले उपत्यकाका १३ वटा क्षेत्र निर्धारण गरी टोली परिचालनको तयारी गरेको छ।
पछिल्ला दिनमा सडक अवरुद्ध हुँदा खाद्यान्न ढुवानीमा समस्या आएको र यसै मौकामा उपभोक्ताले आवश्यकताभन्दा बढी खाद्यान्न भण्डारण ९स्टक० गर्ने प्रवृत्ति देखिएको छ। यसले गर्दा बजारमा कृत्रिम अभाव सिर्जना हुनसक्ने जोखिम बढेको छ।
सूचना अधिकारी किराँतीले हाल बजारमा उपलब्ध वस्तु पुरानै ढुवानी र लागतको भएकाले मूल्यवृद्धि गर्न नपाइने स्पष्ट पारेका छन् । ‘अहिले बजारमा नयाँ ढुवानी आएको छैन र भाडा पनि बढेको छैन,’ उहाँले भन्नु भयो, ‘पहिलेकै स्टकलाई नयाँ र बढी मूल्यमा बेच्नु कालोबजारी हो। हिजो–अस्तिको खरिद–बिक्री मूल्य जाँच गर्दा कैफियत भेटिए तत्काल कारबाही गरिनेछ।
