सुर्खेत,१६ भदौ। कर्णालीका पूर्वमुख्यमन्त्री राजकुमार शर्माले सदन अवरुद्ध गर्नुभयो । आफूले दर्ता गराएको गैरसरकारी विधेयक सदनमा टेबुल नगरिएको भन्दै सदन अवरुद्ध गराउनु भएको हो ।
शर्माले साउन १२ गते दर्ता गराउनुभएको ‘कर्णाली समृद्धि तथा आर्थिक विकास सम्बन्धमा व्यवस्था गर्न बनेको विधेयक’ लाई सदनमा टेबुल नगरिएको प्रति आपत्ति जनाउँदै बैठक अवरोध गरिएको हो।
विधेयक दर्ता भइसके पनि सभामा टेबुल भने भएको छैन । सभामुख नन्दा गुरुङले पटक पटक बस्न अनुरोध गर्दा पनि नबसेपछि १५ मिनेटका लागि बैठक स्थगित गर्नुभएको हो ।
