गौरादह ,२० भदौ ।अनुहारको सुन्दरतामा दाँतको महत्वपूर्ण भूमिका हुन्छ। तर, धेरै मानिसहरू बाङ्गा–टिङ्गा वा अगाडि निस्किएका दाँतका कारण खुलेर हाँस्न र बोल्न हिचकिचाउँ छन्। यस्तै समस्या भएका बिरामीहरूका लागि गौरादह डेन्टल केयरले ठुलो सहयोग गर्दै आएको छ। यहाँ कन्सल्टेन्ट अर्थोडोन्टिस्ट डा. भुसन भट्टराईले नियमित रूपमा विशेषज्ञ सेवा दिइरहनु भएको छ।
दाँत मात्र होइन, अनुहारकै बनावट मिलाइने दन्त चिकित्सा शास्त्र अन्तर्गतको विशिष्टीकृत विधा ‘अर्थोडोन्टिक्स एण्ड डेन्टोफेसियल अर्थोपेडिक्स’ का विशेषज्ञ डा. भुसनका अनुसार, यो सेवा केवल बाङ्गा दाँत सीधा बनाउनेमा मात्र सीमित छैन।हामी तार बाँधेर वा अन्य आधुनिक प्रविधि को प्रयोग गरी दाँतको साथसाथै अनुहारका हड्डी र जबडाको बनावटलाई पनि सन्तुलित बनाउँछौँ, डा. भुसनले भन्नुभयो। सबैभन्दा महत्त्वपूर्ण कुरा, यो प्रक्रियाका लागि कुनै शल्यक्रिया को आवश्यकता पर्दैन।
बाङ्गाटिङ्गा दाँत र जबडाको समस्याले सरसफाइमा असर गर्नुका साथै आत्मविश्वास पनि घटाउँछ। शल्यक्रिया बिना तार बाँधेर अनुहारको बनोट र दाँत मिलाई स्वस्थ अनि सुन्दर मुस्कान फर्काउने सेवा हामी गौरादह डेन्टल केयरमा दिइरहेका छौँ।गौरादह क्षेत्रमा उपलब्ध यो विशेषज्ञ सेवाले दाँतको समस्याबाट ग्रसित स्थानीय बासिन्दाहरूलाई टाढा जानुपर्ने बाध्यता हटाएको छ र गुणस्तरीय उपचार प्रदान गरिरहेको छ।
