झापा दमक ,२२ भदौ । भारतीय गोर्खा भूतपूर्व सैनिक संगठन दमक, झापा ले रसुवा–भोटेकोशी बाढीपीडितका लागि रु .१ लाख २५ हजार रुपैयाँ सहयोग गर्ने प्रतिबद्धता जनाएको छ ।
दमकस्थित भूपू सैनिक भवनमा सोमबार आयोजित शोकसभा तथा आर्थिक सहयोग कार्यक्रम एवं पत्रकार सम्मेलनमा संगठनले उक्त रकम प्रधानमन्त्री दैवी प्रकोप उद्धार कोषमा जम्मा गर्ने जनाएको हो ।
कार्यक्रममा संगठनका अध्यक्ष प्रेमबहादुर बेघा, सचिव श्रीप्रसाद राई र कोषाध्यक्ष फौदसिंह राईसहित करिब ५० जनाको उपस्थिति थियो ।
कार्यक्रममा श्री सौर्य चक्र सोरमान राई प्रमुख अतिथिका रूपमा सहभागी हुनुहुन्थ्यो । त्यस्तै असारसिंह खजुम लिम्बू, रविना शेर्मा खजुम लिम्बू, सु मे. टीका प्रसाद मुखिया र अ. क्या. ज्ञानबहादुर गुरुङ लगायतको उपस्थिति थियो ।
कार्यक्रममा भोटेकोशी बाढीमा ज्यान गुमाएका तथा प्रभावित परिवारप्रति श्रद्धाञ्जली अर्पण गर्दै विपद्को समयमा पीडितलाई सहयोग गर्न सबैलाई आग्रह गरिएको थियो ।
