काठमाडौँ ,२९ भदौ । रसुवाको भोटेकोशी बाढीपछि ‘विपद् संकटग्रस्त क्षेत्र’ घोषित विभिन्न जिल्ला तथा स्थानीय तहका जनप्रतिनिधिहरूसँग प्रधानमन्त्रीले आज छलफल सुरु गर्नुभएको छ।
सिंहदरबारस्थित प्रधानमन्त्री तथा मन्त्रिपरिषद्को कार्यालयमा जारी बैठकमा बाढीप्रभावित क्षेत्रको वर्तमान अवस्था, तत्काल आवश्यक राहत, पुनर्स्थापना तथा दीर्घकालीन पुनरुत्थानका रणनीतिबारे गहन विमर्श भइरहेको छ।
छलफलमा रसुवा, नुवाकोट, धादिङ, गोरखा र तनहुँका प्रभावित १५ स्थानीय तहका प्रमुख तथा प्रतिनिधिसभा सदस्यहरूको सहभागिता छ।
नुवाकोटबाट प्रतिनिधिसभा सदस्यद्वय विक्रम तिमिल्सिना र अच्युतम लामिछाने, विदुर नगरपालिकाका प्रमुख राजन श्रेष्ठ, बेलकोटगढी नगरपालिकाका प्रमुख जगतबहादुर गुरुङ, किस्पाङ गाउँपालिकाका अध्यक्ष विरबल तामाङ र तारकेश्वर गाउँपालिकाका अध्यक्ष शिव अधिकारी सहभागी हुनुहुन्छ ।
रसुवाबाट उत्तरगया गाउँपालिकाका अध्यक्ष माधवप्रसाद अर्याल, कालिका गाउँपालिकाका अध्यक्ष हरिकृष्ण देवकोटा र आमाछोदिङमो गाउँपालिकाका अध्यक्ष बुचुङ तामाङ (भौतिक रूपमा) तथा गोसाइँकुण्ड गाउँपालिकाका अध्यक्ष कैसाङ नुर्पु तामाङ (अनलाइनमार्फत)।
धादिङबाट, गल्छी गाउँपालिकाका अध्यक्ष केदारनाथ खतिवडा, सिद्धलेक गाउँपालिकाका अध्यक्ष परशुराम खतिवडा, गजुरी गाउँपालिकाका अध्यक्ष गणेशलाल श्रेष्ठ र बेनीघाट रोराङ गाउँपालिकाका अध्यक्ष कृष्णबहादुर थपलिया ुविवेकु।
तनहुँ र गोरखाबाट, तनहुँको देवघाट गाउँपालिकाका अध्यक्ष तिलबहादुर थापा, आँबुखैरेनी गाउँपालिकाका अध्यक्ष शुक्र चुमान तथा गोरखाको गण्डकी गाउँपालिकाका अध्यक्ष दीपक तिमिल्सिना ुसाकारु।
बैठकमा जनप्रतिनिधिहरूले स्थलगत अवस्था र स्थानीय आवश्यकताका आधारमा तत्काल राहत तथा पुनर्निर्माण प्याकेज ल्याउन सरकारको ध्यानाकर्षण गराएका छन्।
