काठमाडौं,२ असोज । नेपाल राष्ट्र बैंकले नयाँ विशेषतासहितको ५० रुपैयाँ दरको बैंक नोट आजदेखि चलनचल्तीमा ल्याएको छ।
साविककै आकार र रङमा जारी गरिएको नयाँ नोटमा गभर्नर प्रा।डा। विश्वनाथ पौडेलको दस्तखत रहेको छ।
नयाँ नोटमा सगरमाथा, लालीगुराँस र हिउँ चितुवाको चित्रका साथै सुरक्षण धागोलगायतका विशेषता राखिएका छन्। नोटको तल्लो भागमा ‘वि।सं। २०८२’ उल्लेख गरिएको छ।
राष्ट्र बैंकका अनुसार नयाँ नोटसँगै यसअघि चलनचल्तीमा रहेका ५० रुपैयाँका नोट पनि प्रयोग गर्न सकिनेछ। बैंकनोट राष्ट्रको सम्पत्ति भएकाले यसको जतन गरेर प्रयोग गर्न राष्ट्र बैंकले सर्वसाधारणलाई आग्रह गरेको छ।
