दमक/
प्रतिमा बुढाथोकीले दमक बहुमुखी क्याम्पसबाट वातावण विषयमा नै स्नातक गर्नु भएको छ । प्रकृति र मानवको सम्बन्धका बारेमा उहाँले राम्रोसँग बुझ्नु भएको छ ।
प्रकृतिलाई जोगाउन सक्ने हो भने मात्रै मानव अस्तित्व रहने कुरा उहाँले बुभ्नु भएको छ । तर यो कुरा गाउँमा बस्नेहरुले भन्दा पनि शहरमा बस्नेहरुले कम मात्रै बुझेको उहाँको ठम्याई छ ।
शहरमा जताततै विभिन्न संरचना बनेका छन् । यसले प्राकृतिक रुपमा पार्ने असरको कसैले ख्याल गरैकै छैनन् । उज्यालो खवरसँग कुराकानी गर्दै बुढाथोकीले भन्नु भयो प्रकृति रहेन भने न यी संरचनाको प्रयोग हुन सक्छ न मानव अस्तित्व नै रहन्छ । ’ तर यो कुरा विकास प्रेमि जनप्रतिनिधी र सरकारका मन्त्रीज्यूहले बुझ्नै चाहनु भएको छैन ।
पछिल्लो समय वातावरण जोगाउनकालागि भन्दै विभिन्न स्थानमा वृक्षारोपण गरिएको हुन्छ । गरिन्छ । तर त्यसको संरक्षण र सम्वर्धनमा न आम जनमाजसको ध्यान पुग्छ न सरकारी निकायको । यसरी फेसनका रुपमा गरिने त्यस्ता वृक्षारोपणले खास अर्थ नराख्ने उहाँको भनाई छ ।
‘वृक्षारोपण मानव जीवनसँग प्रत्यक्ष जोडिएको छ । यसबाट निस्कने अक्सिजन मानव जीवनकालागि अति आवश्यक हो । तर यसको संरक्षण अहिले घट्दै गएको छ । ’ बुढाथोकी चिन्तीत हुँदै भन्नु हुन्छ वृक्षारोपण सँग-सँगै ती विरुवा हुर्काउने पनि अर्को कार्यक्रम बनाउन आवश्यक छ ।
वृक्षारोपण चाहि सामुहिक गर्ने तर यसलाई हुर्काउन चाहि एक जना मात्रै सकृय भएको देखिन्छ । त्यो एकदमै गलत हो । बुढाथोकीले बताउनु भयो ।
वृक्षारोपण र दमकको अवस्थाको बारेमा बुढाथोकीको बिचारलाई छोटो भिडियोका रुपमा यहाँ प्रस्तुत गरिएको छ ।
