दमक/
छवी सिटौला उहाँ पेषाले काठमाडौमा प्राध्यापन गर्नु हुन्छ । होष्टल सञ्चालन गर्नु हुन्छ र कृषि फार्ममा पनि सञ्चालन गर्नुहुन्छ । उहाँको स्थाई घर दमक नगरपालिकाको वडा नं १० मा पर्छ ।
दमक ९ मा रहेको पाणिनी माद्यमिक विद्यालयबाट एसएलसि परिक्षा दिएर उहाँ उच्च शिक्षा पढ्न धरान र बिराटनग जानु भयो । त्यसपछिका पढाई उहाँले काठमाडौमै बसेर पुरा गर्नु भयो । काठमाडौमा बसेर पनि उहाँ आफ्नो ठाउँको विकास र समृद्धिका बारेमा सँधै चिन्तित हुनु हुन्थ्यो ।
समग्र देशको राजनिति र त्यसलाई सञ्चालन गर्ने नेताहरुको व्यवहार र निणर्यका कारण उहाँ यो पटक स्वतन्त्र रुपमा चुनाव लड्दै हुनुहुन्छ ।
झापाको क्षेत्र नं ५ बाट उहाँ यो पटकको संघिय चुनावमा होमिने निणर्य नै गरिसक्नु भएको छ । उहाँले त्यसकालागि आफ्नो घर दैलो अभियान सुरु गरिसक्नु भएको छ । उत्तरमा दमकको चुरेक्षेत्र हुँदै दक्षिणमा भारतको सिमाना पर्ने गौरिगन्जको फत्तेपुर सम्म आफ्ना एजेण्डा लिएर हिडिरहनु भएको छ ।
उहाँले नितिगत रुपमा हुने भ्रष्टचारको अन्त्य गर्ने गरिको निति बनाउन आफुले भूमिका खेल्ने बताउनु भएको छ भने स्थानीय स्तरका आवश्यकतालाई पुरा गर्न पनि नितिगत निणर्य गरेर अघी बढ्ने योजना रहेको सुनाउनु भयो ।
शनिबार उज्यालो खवरसँग कुराकानी गर्दै उहाँले झापाको क्षेत्र नं ५ को पहिलो देखी अहिले सम्मकै एउटै तर जटिल पीडाको बारेमा सम्बोधन गर्नकालागि आफु उम्मेदवार बनेको बताउनु हुन्छ । रतुवा र मावा नदिमा १० वर्षे योजना बनाएर स्थाई तटबन्ध निर्माण गरि आम नागरिकको घर र जमिन जोगाउने पहिलो काम गर्ने उहाँले बताउनु भयो ।
घर र जमिनको सुरक्षा गर्न सके मात्रै अन्य क्षेत्रको विकास गर्न सहज हुने विस्वास उहाँको छ । त्यसपछि उहाँले कृषि क्षेत्रलाई आधुनिकीकरण गर्ने योजना पनि अघी सार्नु भएको छ । यहाँ फलेको धान सरकारले नै उपयूक्त मुल्यमा खरिद गरि किसानलाई उत्पादनमा प्रोत्साहन गर्ने कार्यक्रम ल्याउन आफुले निति बनाउने बताउनु भयो ।
यसो भएमा अहिले किसानले ६ सय ५० रुपैँया प्रति मन बेचिरहेको धानलाई सरकारले १ हजार रुपैँया सम्ममा खरिद गर्ने गरिको काम गर्न सकिने र यसबाट धान र चामलमा हुँर्दै आएको सेण्डिकेट समेतको अन्त्य गर्न आफु लागी पर्ने बताउनु भयो ।
पुराना नेताहरुले आशा मात्रै देखाउने तर काम नगर्ने प्रवृति बढेका कारण आम जनताले यसको विकल्प खोजीरहेको बताउने सिटौला आफु मु्ल राजनितीको विकल्प भएको दावि गर्नु हुन्छ । विषेश गरेर यूवा पुस्ताले परिवर्तन चाहेको र यूवा पुस्ताले नै राज्य सञ्चालन गर्नु पर्ने बेला आएको सुझाव आफुलाई प्राप्त भइरहेको उहाँले बताउनु भयो ।
झापा क्षेत्र नं ५ नेकपा एमालेका अध्यक्ष तथा पूर्व प्रधानमन्त्री केपी शर्मा ओलीको निर्वाचन क्षेत्र हो । २०६४ साल बाहेक अन्य हरेक निर्वाचनमा ओलीले यो क्षेत्रबाट चुनाव जीतिरहनु भएको छ ।
सिटौलासँग उहाँको उम्मेदवारीका बारेमा गरिएको कुराकानीको भिडियो हेरौ
