दमक/
झापाको कनकाई नगरपालिकाको वडा नं १ देखि ७ सम्म, झापा गाउँपालिका, शिवसताक्षी नगरपालिका, गौरीगञ्ज गाउँपालिका वडा नं १, २ र गौरादह नगरपालिकाको ९ नम्बर वडालाई समेटेर क्षेत्र नम्बर ४ निर्धारण गरिएको छ ।
२०७४ सालको प्रतिनिधि सभाको चुनावमा यो क्षेत्रमा नेकपा एमालेका उम्मेदवार रहनु भएका लाल बहादुर सावा अर्थात एलपि निर्वाचित हुनु भएको थियो । उहाँले ४३ हजार ४१५ मत प्राप्त गरी बिजयी हुनु भएको थियो । उहाँका निकटतम प्रतिद्धन्दी नेपाली काग्रेसका उम्मेदवार देउकुमार थेवेले २६ हजार ८२२ मत प्राप्त गर्नु भएको थियो । १६ हजार ५ सय ९३ को भारी मतान्तरले बिजयी हुनु भएका सावाले यस क्षेत्रको विकास र समृद्धिमा पनि उल्लेख्य काम गर्नु भएको छ ।
खासमा प्रतिनिधि सभा सदस्यको काम सरकारको निर्माण गर्ने, कानून बनाउने, संसदीय अनुगमन गर्ने , वजेट पारित गर्ने तथा संसदीय सुनुवाई गर्ने हुन । यद्यपी यसका बावजुत पनि सावाले आफ्ना क्षेत्रका नागरिकको आवश्यकता र समस्यालाई पहिचान गरेर त्यसको अल्पकालीन र दिर्घकालीन रुपमा समाधान हुने गरिका कामहरु गराउनु भएको छ ।
मुख्य गरेर यो क्षेत्र बढीमात्रामा बाढि तथा डुबानको समस्या छ । यहाँ रहेका मुख्य नदिहरु कमल, कन्काई र बिरिङले यस क्षेत्रका नागरिकलाई हरेक वर्ष हैरानी दिने गर्दछ । यसको अल्पकालीन र दीर्घकालीन समाधानकालागि सावाले नदि तटबन्ध निर्माणकालागि नितिगत रुपमै पहल गरेर जनताको तटबन्ध कार्यालय मार्फत स्थाई तटबन्ध निर्माणको काम गराइरहेको बताउनु हुन्छ ।
उज्यालो खवरसँगको कुराकानी गर्दै सावा भन्नु हुन्छ ‘ अहिले कमल, कन्काई र बिरिङमा स्थाई र अस्थाई दुवै प्रकृतिका काम निरन्तर भइरहेका छन् । नदि नियन्त्रणको काम तत्कालै नसकिने रहेछ यसलाई हरेक वर्षको योजनामा राखेर काम गराउनु पर्ने रहेछ म यो काम आफु निर्वाचित भएदेखि निरन्तर गराइरहेको छु । ’
दुधेबाट शिवगञ्ज जाने सडक पूणर् रुपमा कालोपत्रे गरिएको छ । जुन सडकले यस क्षेत्रको दक्षिणमा उत्पादन भएका कृषि सामाग्रीलाई शहरका बजार सम्म ल्याउन किसानलाई सहज बनाएको छ । किसानको उत्पादनलाई मुल्यमा परिणत गराउन आवश्यक पर्ने बिभिन्न नितिगत काम गर्न आफु लागी रहेको उहाँको भनाई छ ।
पूर्वाधारको क्षेत्रमा मुख्य गरि यस क्षेत्रमा पर्ने हुलाकी राजमार्ग र यहाँ बन्ने भनिएका पुलालाई पूणर्ता दिन आफु निरन्तर लागि रहेको र यसले परिणाम पनि दिइरहेको सावाले जानकारी दिनुभयो ।
शिक्षामा पनि यो क्षेत्रमा राष्ट्रिपति शैक्षिक सुधार कार्यक्रम मार्फत यहाँका विद्यालयको स्तर उन्नती गराउने काम आफ्नै पहलमा भएको बताउँदै सावा भन्नु हुन्छ ‘ विद्यालयमा नयाँ भवन बनाइएको छ । भवनलाई पूःन निर्माण गराइएको छ । कक्षा कोठाहरु सुधारिएको छ । शैक्षिक सामाग्री वितरण गरिएको छ । विद्यार्थीको विद्याललय आवागमनलाई सहज बनाउन विद्यालय बसको व्यवस्थापन गरिएको छ । ’
अस्पताल नै नभएको यो क्षेत्रमा तीन ठाउँ अस्पताल निर्माण पनि गराइरहेको उहाँले बताउनु भयो । ‘आफुले बनाउने बजेटले यहाँ योजना पार्ने आफ्नो अधिकार नभएपनि नितिगत रुपमा समग्र बिकास गराउने सिलसिलामा शिवसताक्षी र कन्काई नगरपालिकामा १५-१५ शैयाको अस्पताल धमाधम बनीरहेको छ । ’ सावाले भन्नु भयो ।
झापा ४ लाई एक बहुधार्मिक पर्यटकिय स्थल बनाउने कामलाई पनि आफुले नितिगत रुपमा अघी बढाउने काम गरिरहेको उहाँले बताउनु भयो । यस क्षेत्रको समग्र विकास र समृद्धिमा जनतासँगै बसेर जनताकै राय र सुझावाका आधारमा आफुले काम गरिरहेको र नितिगत तहमा आफु त्यसलाई पूणर्ता दिन दत्त चित्त भएर लागेको सावाको भनाई छ ।
आगामी निर्वाचनमा तपाई फेरि उम्मेदवार बन्ने हो भन्ने उज्यालोको प्रश्नमा सावा भन्नु हुन्छ ‘ पार्टिले मलाई बिस्वास गर्यो , यसले आफ्नो फिल्ड राम्रो बनाएको छ भन्ने ठान्यो र टिकट दियो भने पछि पर्दिन तर पार्टिले अर्कोलाई अवसर दिनु भन्ने निणर्य गर्यो भने पार्टिले उठाएको उम्मेदवारलाई जीताउन म खट्ने छु ।’
प्रस्तुत छ सावासँग उज्यालोले गरेको संक्षीप्त कुराकानीको भिडियो ।
