दमक/
झापाको दमकका व्यवसायीले एक ‘एक प्यान एक खोप ’को माग गरेका छन् । दमकमा कोरोनाको जोखिम बढेपछि अहिले निशेधाज्ञा छ । यहि निशेधाज्ञाकै अवधिमा प्यान नंम्बर लिएर व्यवसाय सञ्चालन गरिरहेका व्यापारीहरुलाई अनिवार्य खोपको सुनिश्चितता गर्न दमक नगरपालिकासँग माग गरिएको दमक उद्योग वाणिज्य सघंका अध्यक्ष गोकुल श्रेष्ठले जानकारी दिनुभयो ।
नगरपालिकामा पटक पटक नगर प्रमुख र उप प्रमुखलाई यसबारेमा कुरा राखेपनि बेवास्था गरिएको उहाँको गुनासो छ । दमकमा रहेका ८ हजार बढि ब्यापारी दमक उद्योग वाणिज्य सघंमा दर्ता भएका भएपनि व्यवसाय सञ्चालन गर्न अनुमतिका लागि प्यान नम्बर लिएका ब्यापारीलाई मात्रै भएपनि खोप दिन उहाँले माग गर्नु भएको छ ।
यसले गर्दा सरकारी सेवा पाउन सरकारी निकायमा आफु सस्थागत हुनुपर्ने रहेछ भन्ने कुराको अनुभुति पनि ब्यापारीमा हुने भएकोले आफ्नो ब्यवसायीक फर्मको पान नम्बरका आधारमा खोप उपलब्ध गराउन ध्यानाकर्षण गराइएको उहाँको भनाई छ ।
दमक नगरपालिकामा यसबारेमा पटक-पटक अनुरोध गरेपनि खास सुनुवाई नभएपछि आईतबार झापाका सबै उद्योग वाणिज्य सघंले जिल्ला प्रशाषन कार्यालय झापामा ज्ञापन पत्र पनि बुझाउने तयारी गरेका छन् । जिल्लामा रहेका ९ वटा व्यवसायीक सघंठनहरुले खोपको सुनिश्चितताको माग गर्दै जिल्ला प्रशषन कार्यालयमा ज्ञापन पत्र दिने तयारी भएको पनि उहाँले बताउनु भयो ।
बजारमा भिड बढेको र यसले जोखिम बढाएको भन्दै दमकमा पूणर् लक डाउन छ । विषेशगरि बजारबाटै जोखिम बढेको भन्न ठान्ने प्रशाषनले त्यो बजारका ब्यापारीलाई खोपमा प्राथमिकता नदिनु दुखद भएको भन्दै अहिले चौतर्फी विरोध पनि भै रहेको छ ।
