दमक/ असार १८ गते मंगलबार । बिहानको साढे ६ बजे देखी दमक चोक स्थित आकाशे पुलको आसपासमा सेतो टिसर्ट लगाएका विद्यार्थीहरु जम्मा हुन थाले । करिव १५ मिनेटको अवधिमा उनीहरुको भीड निकै ठुलो जम्मा भयो । एकबाट सुरु भएको यो भीड ६ सय जना भन्दा बढिको भयो ।
यसरी जम्मा भएका अधिकांश यी विद्यार्थी एस इ इ र कक्षा १२ को परिक्षा दिएर कम्प्यूटर सिक्नेहरु हुन । उनीहरुले दमक ५ एस एन मार्केटमा रहेको सि एस सि आई एजुकेशन फाण्डेसनमा कम्प्यूटर सहित अन्य बिभिन्न प्राविधिक सिप सिके ।
झण्डै ३ महिनाको फुर्सदको समयलाई सदुपयोग गर्दै सिकेको त्यो सिकाईको परिक्षा दिन उनीहरुको यो भीड लागेको हो । उनीहरु परिक्षा दिन दमक ६ फर्निचर लाईनमा रहेको ग्लोवल एजुकेशनल एकेडेमी तर्फ अघी बढे ।
सि एस सि आईबाट लाईन लागेर ग्लोवल तर्फ लागेका विद्यार्थीहरुको भीड दमक चोक देखी फर्निरच लाईन सम्मै देख्न सकिन्थ्यो । यसले अझैपनि कम्प्यूटर शिक्षा सिक्ने विद्यार्थीहरुको आकर्षणमा कुनैपनि कमी आएको छैन भन्ने देखाउछ ।
उसो त सि एस सि आइमा कम्प्यूटर सहित अन्य प्राविधिक सिप सिकेका विद्यार्थीहरु यहाँको सिकाई प्रतिपनि सन्तुष्ट रहेको प्रतिकृया दिन्छन् । यहाँको सुविधा सम्पन्न कम्प्यूटर ल्याव, अनुभवी र बिज्ञ प्रशिक्षक सहितको टिमले सिकाएको भन्दै विद्यार्थीहरुले आफ्नो तीन महिने बसाईलाई उपलब्धी मुलक भएको बताएको छन् ।
यहाँ यो तीन महिनाको अवधिमा मात्रै ६ सय जना भन्दा धेरै विद्यार्थीहरुले कम्प्यूटर कक्षा सिके । यी मध्ये करिव १ सय जनाले त निशुल्क कक्षा पनि लिन पाएको यस सि एस सि आई, एजुकेशन फाउण्डेनका सञ्चालक प्रन्सिपल राजु गौतमले जानकारी दिनुभयो ।
