दशैंमा पिङ खेल्ने हो ? दमकका यी यूवाको सकृयतामा ठडीयो यी ठाउँमा पीङ

दमक, ३० असोज। गाउँघरमा दशैं आएको छनक नयाँ लुगा, मीठो परिकार र रातो टीकासँगै आकाश छुने लिङ्गे पिङले पनि दिन्थ्यो। पिङ मच्चाउँदै रमाउने बालबालिका, पालो पर्खिने युवायुवती र वरिपरि बसेर रमिता हेर्ने बुढापाकाको चहलपहलले गाउँघरमा दशैंको रौनक थपिन्थ्यो। तर, पछिल्लो समय युवा पलायन, सहरीकरण र आधुनिक मनोरञ्जनका कारण यो परम्परा हराउँदै जान थालेको छ।हराउँदै गएको यही परम्परा जोगाउन झापाको दमक नगरपालिका–८ स्थित आइतबारे टोलका स्थानीय युवा र दमक जेसीज र वडा नं. ८ ले ६ वटा बलिया बाँस गाडेर परम्परागत लिङ्गे पिङ निर्माण गरेका छन्।

 

पिङ तयार भएसँगै टोलमा दशैंको छुट्टै रौनक थपिएको छ। साना बालबालिकादेखि युवासम्म पिङ खेल्दै रमाइरहेका छन्। पिङले मनोरञ्जन मात्र दिएको छैन, स्थानीयलाई एकै ठाउँमा भेला हुने अवसरसमेत जुटाएको छ।दमक जेसीज वर्ष २०२६ का अध्यक्ष राजेन्द्र बिमलीको अध्यक्षता तथा वडाध्यक्ष धर्मप्रसाद दाहालको प्रमुख आतिथ्यतामा पिङको बिहिबार उद्घघाटन गरिएको हो। वडाध्यक्ष दाहालले स्वयं पिङ खेलेर यसको सुरुवात गर्नुभएको थियो।स्थानीय युवाको सक्रियता र वडा कार्यालयको सहयोगले परम्परा जोगाउने प्रयास सफल भएको अध्यक्ष दमक जेसीजका अध्यक्ष राजेन्द्र बिमली बताउनुहुन्छ।

 

हराउँदै गएको मौलिक संस्कृति संरक्षणमा युवाहरूको प्रयास प्रशंसनीय रहेको वडाध्यक्ष दाहालले बताउनुभयो। उहाँले संस्कृति जोगाउन सबै समुदायको सहकार्य आवश्यक रहेकोमा जोड दिनुभएको छ।दशैंमा पिङ खेल्ने परम्परा जोगाउन दमकका युवाले गरेको यो प्रयासले संस्कृति संरक्षणका लागि भाषणभन्दा व्यवहार महत्त्वपूर्ण हुने सन्देश दिएको छ। ६ वटा बाँस गाडेर बनाइएको पिङले टोलमा दशैंको रौनक मात्र फर्काएको छैन, नयाँ पुस्तालाई पुरानो संस्कृतिसँग जोड्ने अवसरसमेत दिएको छ।

 

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

सभामुख अर्यालद्वारा भीमफेदी दुर्घटनाका पीडित परिवारसँग भेट

सर्लाही ,३० कार्तीक। प्रतिनिधिसभाका सभामुख डोलप्रसाद (डीपी) अर्यालले सर्लाहीको चक्रघट्टा गाउँपालिका–४, सुन्दरपुर पुगेर मकवानपुरको भीमफेदीस्थित चिसापानी गढीमा भएको सवारी दुर्घटनामा ज्यान गुमाएका व्यक्तिका परिवार तथा

बझाङमा अटो दुर्घटना हुँदा तीन जनाको मृत्यु, एक बेपत्ता

बझाङ ,३० कार्तीक। बझाङको बुंगल नगरपालिका–१० टुमेडामा अटो दुर्घटना हुँदा तीन जनाको मृत्यु भएको छ ।सोमबार बिहान करिब १०ः२० बजे टुमेडा गाउँबाट सोहि ठाउँ को

छठको बहानामा मधेसमा शीर्ष नेताको दौडधुप : धार्मिक आस्था कि राजनीतिक रणनीति ?

काठमाडौं ,३० कार्तीक। सत्तारूढ रास्वपाका सभापति रवि लामिछाने यसपटक छठ मनाउन मधेसका विभिन्न धार्मिक स्थल पुग्नु भएको छ । शनिबार नै तराई झर्नु भएको उहाँ

रारा जाँदै गर्दा दुर्घटनामा परेका घाइतेको सेनाद्वारा उद्धार

मुगु ,३० कार्तीक। मुगुको रारा ताल जाने क्रममा हाइलक्स जिप दुर्घटनामा परी घाइते भएका दुई जनालाई नेपाली सेनाको हेलिकोप्टरमार्फत उद्धार गरिएको छ ।आइतबार मुगुको छायानाथ

बिरिङ खोला छठ पूजामा विवाद गर्ने युवक स्कुटरसहित नियन्त्रणमा

झापा, ३० कात्तिक । झापाको कन्काई नगरपालिका ८ स्थित बिरिङ खोलामा आयोजित छठ पूजामा विवाद गर्ने एकजना युवकलाई प्रहरीले पक्राउ गरेको छ ।गएराति ११ :

छठ पूजास्थल तोडफोड आरोपमा सुनसरीबाट दुई जना पक्राउ

झापा, ३० कात्तिक । सुनसरीको हरिनगर गाउँपालिका–६ स्थित छठ पूजास्थलमा तोडफोड गरेको आरोपमा प्रहरीले दुई जनालाई पक्राउ गरेको छ।जिल्ला प्रहरी कार्यालय सुनसरीका अनुसार पक्राउ पर्नेहरुमा