दमक/ नेपाली कृकेटर दिपेन्द्र सिंह ऐरी दमक आउने भएका छन् ।
यहाँ रहेको ग्रेस इन्टरनेशनल कन्सलटेन्सीले उनलाई यहाँ ल्याउन लागेको हो ।
ग्रेस दमकका सञ्चालक दिनेश जंघ खड्काका अनुसार बिहिबार दमक ९ स्थित कन्सलटेन्सीकै कार्यालयमा आएका विद्यार्थीहरुग ऐरीले आफ्नो सफलता तथा संघर्षको अनुभव साट्ने छन् ।
यूवाहरुलाई थप उर्जा प्रदान गर्ने र जीवनमा कसरी आफ्नो लक्ष्यमा पुग्ने भन्नेबारेमा उनले आफ्नो अनुभव विद्यार्थीहरु माझ साट्ने छन् । ग्रेसमा आएका विद्यार्थीहरुग उनले जीवन, संघर्ष र सफलताको बारेमा अन्तरकृया समेत गर्ने छन् ।
साथै उनलाई लिएर ग्रेसले दमक ४ स्थित आस्था कलेजमा समेत जाने भएको छ । त्यहाँका विद्याथीमाझ खुल्ला हाजीरीजवाफ प्रतियोगीता पनि हुने छ । त्यो हाजीरीजवाफको सहि जवाफ दिने जतीलाई ऐरीको हस्ताक्षर अंकीत कृकेट ब्याट पुरस्कार स्वरुप प्रदान गर्ने तयारी रहेको खड्काले जानकारी दिए ।
खड्काका अनुसार झापा जिल्ला स्तरीय हिसान कप कृकेट प्रतियोगीताको बिजेतालाई ऐरी मार्फतनै प्रमाणपत्र समेत प्रदान गरिदै छ । साथै आस्था कलेजमा रहेको कृकेट टिमलाई एक सेट जर्सी समेत प्रदान गरिने जनाइएको छ ।
यसै गरी कृकेटर ऐरी मार्फतनै दमकमा रहेको प्याट्रोटिक कृकेट ट्रेनिक सेन्टर (पिसिटिसि) दमकलाई समेत जर्सी प्रदान गरिने छ ।
खास गरी यूवा तथा विद्यार्थी लक्षीत भेटघाटकालागी उनी दमक आउन लागेका हुन । विदेश पढ्न जान चाहनेलाई ध्यान दिनु पर्ने कुराहरुका बारेमा समेत उनले जानकारी गराउने छन् ।
ग्रेस वैदेशिक अध्ययनकालागी काम गर्ने देशकै अग्रणी सस्था मध्येको एक हो । ऐरी यसको ब्राण्ड एम्वेस्टर समेत भएकोले ग्रेसकै आयोजना तथा व्यवस्थापनमा दमक आउन लागेका हुन ।
