दमक/
नेकपा एमाले झापाको आगामी पुष २३ र २४ गते अधिवेशन हुँदै छ । बिर्तामोडमा हुने सो अधिबेसनको सम्पूणर् तयारी पुरा भइसकेको अधिवेशन मुल आयोजक समितीले जनाएको छ । अधिवेसनको मिती जति नजिकिदैछ , यसको नेतृत्व को हुने चर्चा पनि चुलीदै गएको छ । झापा पार्टि अध्यक्ष केपी शर्मा ओलीको गृह जिल्ला भएकोले पनि यसलाई देशब्यापीनै निकै चासोका साथ हेरिएको छ ।
अव आउने नेतृत्वकालागि तत्कालै अवसर भन्दा पनि चुनौती बढि देखिएको छ । आसन्न निर्वाचन (स्थानीय, प्रदेश र प्रतिनिधीसभा)मा जिल्लाका १५ वटै पालिका, १० वटै प्रदेश निर्वाचन क्षेत्र र ५ वटै प्रतिनिधीसभाको निर्वाचन आफ्नै पार्टिको पक्षमा पार्नुपर्ने चुनौती तत्कालै आइलागी हाल्ने छ । यस्तै एमालेबाट चोईटिएर गएका नेता तथा कार्यकर्ताहरुलाई पनि आफ्नै घरमा फर्काएर झापामा एमाले एकै छ, चोइटिएको छैन भन्ने सन्देश पनि दिनु नै छ ।
यी सबै चुनौतीको सामना गर्न आफु तयार रहेको एमाले नेता तथा संविधानसभा सदस्य दिपक कार्कीले बताउनु भएको छ । उज्यालोसँगको संक्षीप्त कुराकानीमा उहाँले भन्नु भयो ‘ यदि जिल्लाको नेतृत्व मेरो काँधमा आयो भने आगामी सबै चुनाव आफ्नो पार्टिको पक्षमा पार्न नितिगत रुपमा अघि बढ्ने छु । योजना बनाएर सबै क्षेत्रका सबै इकाई कमिटीलाई सकृय बनाउने छु । बामबन्थी बिचारधारा भएका साथीहरुलाई गोलबद्ध पार्नु पनि मेरो उद्धेस्य हुने छ । ’ जिल्लाको नेतृत्व गर्न चाहने अन्य थुप्रै नेताहरुपनि भएकोले उहाँहरुलाई पार्टिको विभिन्न जिम्मेवारी दिएर अघि बढ्ने सहमती पनि भएको उहाँले सुनाउनु भयो ।
हेरौ उहाँसँग हिमशिखर टेलिभिजनको कार्यक्रम हिमशिखर टक सो मा गरिएको कुराकानीको भिडियो ।
