साइन्स र आइटीले स्वरोजगार बनाउन मद्धत गरेको छ – मोडल क्याम्पस

दमक, २४ साउन /  कक्षा १२ को परीक्षाफल प्रकाशनपछि अव स्नातकतह पढ्न विद्यार्थीहरुले योजना बनाइरहेका छन् । स्नातक तह पढ्दा अव आफ्नो भविष्य कुन विषय र कहाँ पढ्दा सुनिश्चित हुन्छ भन्ने गरी विद्यार्थीहरुले योजना बनाउने गर्दछन् ।

त्यसैले जीवनको महत्वपूणर् अवसर खोज्न चुनौति मोल्दै विद्यार्थीहरु विषय छानिरहेका छन् । पढ्ने क्षेत्र र ठाउँको निक्र्यौल गरिरहेका छन् ।
तर अझैपनि आफुमा के क्षमता छ र त्यो क्षमतालाई थप परिस्कृत गर्दै जीवनमा अघि बढ्ने भन्दा पनि मेरो साथी के पढ्दैछ र कहाँ जादैछ भन्ने कुराकै आाधारमा यसपछिको अध्ययन यात्रा तय गर्ने विद्यार्थीहरु पनि छन् । अनि अर्कातर्फ, १२ सकेर पनि नेपालमै बस्नु र ? नेपालमा पनि पढेर भविष्य बन्छ त भन्ने भाष्य पनि निर्माण गरिएको छ । जसले नेपालका युवा जनशक्तिलाई विदेश पलायन हुन प्रोत्साहन गरिनैरहेको छ । के उसो हो भने यही बसेर पढ्दैमा विद्यार्थीको भविष्य नै बन्दैन त ? काम गर्न स्वरोजगार बन्न वा एक असल नागरिक बन्नेगरिकोे नेपालको शिक्षा छैन ? यो प्रश्न सुन्दा सामान्य तर निकै जटिल छ ।

त्यसैले उज्यालो खबरको ‘उज्यालो शिक्षा’मा हामीले खास गरी दमकमा स्नातक तह पढाइरहेका क्याम्पसहरुमा पुगेर त्यहाँका जिम्मेवार पक्षसँग प्रश्न गरेका छौ, ‘तपाईहरुको सिकाई र पढाईकोे पद्धतिप्रति विद्यार्र्थीहरुमा वितृष्णा बढेको हो त ?

दमकमा निजी क्षेत्रको कलेज मध्ये पुरानो कलेजको रुपमा स्थापित मोडल कलेजले कक्षा १२ सकेका विद्यार्थीलाई रोक्न पढिरहेको विषयमा कहाँ कहाँ कस्तो भविष्य छ भन्नेबारेको जानकारी दिने कार्यक्रमलाई प्राथमिकता दिएको जनाएको छ । विदेश पढ्न जानु नराम्रो त होइन, तर पढेर उतै पलायन हुनु चाँही घातक रहेको भन्दै मोडल कलेजले विद्यार्थीलाई पढिसकेछि रोजगार र स्वरोजगारमा जोड्न कस्ता कार्यक्रम ल्याएको छ त ? कलेजका सञ्चालक सुवास बुढाथोकीले साइन्समा बढावा दिइएको अवस्थाले यहीँ रोजगार बन्ने अवस्था सिर्जना गरेको जनाउनु भयो । आइटीमा अझ बढी जनशक्ति स्थानीयस्तरमा रोजगारको अवसर पाउने गरेको बताउनु भयो । लोकसेवा आयोगमा पनि विद्यार्थी उत्तीणर् हुने गरेको संख्या राम्रै रहेको उहाँको भनाई छ ।

करियर विल्डिङ काउन्सिलिङ कोर्ष सञ्चालन गरेर विद्यार्थीलाई पढाईले सिर्जना गर्ने रोजगारीको सम्भावना बताएको प्रष्ट्याउनु भयो ।
हुन त यो राष्ट्रिय समस्या हो । राज्यले नै रोक्न नसकेको विद्यार्थीको भिड सिमित क्याम्पसहरुको प्रयासले मात्रै कति थेगिन्थ्यो होला र ? त्यसैले राज्यले नेपालमा पढेर नेपालमै भविष्य निर्माण गर्न सकिन्छ भन्ने कुराको प्रत्याभूति नगराएसम्म अझै १० वर्ष यहाँका सक्षम र उत्पादनमुखी यूवा जनशक्ति विदेश पलायन भइनैरहने शिक्षा विश्लेषकहरुको विश्लेषण छ । चाहे त्यो काम गर्न होस वा पढ्ने बाहनामा । देश छोडेर विदेश जानेको यो लहडको भेल अझै बढिरहने छ । जतिबेलासम्म राज्यले स्वदेशमै रोजगार सिर्जना नगरी रेमिट्यान्सलाई आफ्नो प्रमुख आम्दानीको श्रोत मानिरहन्छ त्यतिबेलासम्म स्थिती यस्तै यस्तै रहन्छ ।

https://fb.watch/tQ9Fvq9_Cq/