गाउँपालिकाले बढाइरहेछ चुलाचुलीमा सृजनाको माहोल

चुलाचुली, इलाम, १९ असोज /
जिल्ला सदरमुकामबाट हेंला हुँदै विकटताको पीडामा रुमलिँदै आएको दक्षिणी इलामको चुलाचुली अहिले विकासको गतिसँगै सृजना क्षेत्रमा समेत अघि बढेर आफ्नो फरक चिनारी स्थापित गर्ने कार्यमा अग्रसर छ । यही मेसोमा राखिएको दशैंको शुभकामनासहितको कृतिमाथिको परिचर्चा कार्यक्रम सृजना प्रवद्र्धनको प्रभावकारी कार्यक्रम बन्यो ।

 

अवकासप्राप्त शिक्षक इलामका जीवनहरि शर्माको इलामको विषयलाई समेटेर छन्दमा तयार गरिएको कृति ‘सप्त सरोबर काव्य’माथिको परिचर्चा कार्यक्रममा साहित्यिक माहोल जम्न पुगेको हो । बालसर्जकहरुबाट पनि उत्तिकै प्रभावपूणर् कविता प्रस्तुत हुँदा साहित्य विस्तारको मीठो अनुभूति हुन्थ्यो । यसक्रममा कृतिका काफ्लेले नेपाली एकताको गहन सन्देशको यो कविता प्रस्तुत गर्नुभयो ।

 

पाउँपालिका कार्यालयले उपसमितिका रुपमा खडा गरेको ‘चुलाचुली भाषा साहित्य संस्कृति तथा पर्यटन प्रवद्र्धन समन्वय समिति’ले आयोजना गरेको यो पहिलो कार्यक्रम हो । कार्यक्रममा दशैं तिहार, छैठ सहितको शुभकामना व्यक्त गर्ने क्रममा भूँइमान्छेहरुका लागि दशैं कहर बनेको समेत सृजनामा प्रस्तुत भए ।

 

 

कार्यक्रममा, कविहरु प्राज्ञ सुमित्रा बाङ्देल चेली, हेम अधिकारी र यज्ञ परिश्रमीले काव्य कृतिमाथि परिचर्चा गर्दै २१ वटा छन्दको प्रभावकारी प्रयोग गरेर इलामको इतिहाससहित वर्तमान समेटेर अन्वेषणमा आधारित सो कृति ज्ञानको भण्डार भएको उल्लेख गर्नुभयो । नायक नभएको कोषकाव्यका रुपमा कृतिलाई परिभाषित समेत गरिएको छ ।

 

चुलाचुलीका शक्तिशाली सर्जक एवम् समन्वय समिति उपाध्यक्ष सुन्दर कुरुपले स्वागत रचनाका क्रममा सृजना समाजको चलायमान ऐना रहेको र यसको तागत नजर अन्दाज गर्न नहुँने बताउँदै आफूले साहित्य साँस्कृतिक संग्रहालयका लागि जग्गा समेत दिन तयार गरेको उर्जाशील भावना व्यक्त गर्नुभयो ।

 

समिति अध्यक्ष विवशवलिभद्र कोइरालाको अध्यक्षताको कार्यक्रममा, सर्जकहरु अभागी थेगुवा, भूपेन्द्रराज तिम्सिना, एनबी दाहाल नवीन, दिलीप राई सगर, रुमानी कुलुङ, सेलिङ केसी, दिलीप घिमिरे, मेघनाथ बन्धु, गोपाल दाहाल, रुद्र प्रभात, राजकुमार सुब्बा अनिश्चित, तुलसी भट्टराई, प्रेमप्रकाश पोखरेल, भिजन गुरागाईं, सौरभ बास्कोटा, वीरेन्द्र खड्का, भोला पोखरेल, उद्धव न्यौपाने, सञ्जय राई, विनोद थापा, युगयोगी राईले कविता, गजल सहितका रचना प्रस्तुत गर्नुभयो । बालसर्जकहरु कृतिका काफ्ले, खुसी लावती, इशान केरुङ अनि चुलाचुली ५ का अध्यक्ष वविन राईले समेत कविता प्रस्तुत गर्नुभयो ।

 

ज्ञानोदय लावतीले मूर्तिकलामार्फत चुलाचुलीको सृजना चिनाउँदै गर्नुभएको थियो । पछि आएर साहित्य तथा नाट्य क्षेत्रले चुलाचुलीलाई चिनाउन थालेको अवस्थामा पालिकाले सृजना प्रवद्र्धन क्षेत्रको समिति बनाएर अघि बढ्नुले त्यहाँको सृजनाको तागत प्रस्टिन्छ ।

 

 

गाउँपालिका उपाध्यक्ष दिलकुमारी लावती, १ नम्बर वडाध्यक्ष पूणर् लावतीले समेत सृजना क्षेत्रको प्रवद्र्धनमा आफूहरु जुटेको धारणा राख्नु भयो । पालिकाले सो समितिलाई यो वर्ष ५ लाख रुपैयाँ विनियोजित गरेको छ । रचना वाचन सहितको कृति परिचर्चा कार्यक्रममा गाउँपालिका प्रमुख राजेन्द्र केरुङ अरु काम छोडेर कार्यक्रम अवधिभर उत्सुकतापूर्वक रहेर सृजना क्षेत्रलाई प्रोत्साहन दिनुभयो ।
सृजना क्षेत्रको प्रवद्र्धन तथा प्रोत्साहनमा गाउँपालिकाको यसखाले चिन्तनप्रति सहभागिहरुले प्रशंसा व्यक्त गरेका छन् ।

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

करोडौँ ठगी आरोपमा फरार बराह सहकारीका अध्यक्ष लामिछाने पक्राउ

धरान,२ मंसिर । धरानको बराह बचत तथा ऋण सहकारी संस्थाका अध्यक्ष शिवकुमार लामिछाने (विश्वकर्मा)पक्राउ पर्नु भएको छ । बचतकर्ताको बचत हिनामिना गरेर लामो समयदेखि फरार

दमकमा चलिरहेको आदिवासी जनजाती महोत्सव कस्तो? के भन्छन हेर्न जाने दर्शक ?

दमक, २ मंसीर । रातको समय । मंसीर महिना लागीसक्यो । चिसो हावा चलीरहेको थियो । त्यसमाथी रतुवा नदिको किनार । चीसोको सिरेटो नचल्ने कुरै

जन्मदिनको अवसरमा मानव सेवा आश्रममा भोजन

दमक, मंसिर २ । जन्मदिनको अवसरमा हुने फजुल खर्च कटौती गर्दै दमकमा एक परिवारले मानव सेवा आश्रममा रहेका अशक्त तथा असहायलाई भोजन गराएको छ।दमक–६ निवासी

प्रधानमन्त्री शाह र भारतीय राजदूत दलेला बीच आसन्न भारत भ्रमणबारे छलफल

काठमाडौं,२ मंसिर। प्रधानमन्त्री बालेन्द्र शाह (बालेन) सँग नेपालका लागि नवनियुक्त भारतीय राजदूत सुधाकर दलेलाले सिंहदरबारस्थित प्रधानमन्त्री तथा मन्त्रिपरिषद्को कार्यालयमा भेटवार्ता गर्नु भएको छ।प्रधानमन्त्रीको आसन्न भारत

अध्यक्ष ओलीद्वारा सरकारको दमनविरुद्ध प्रतिरोधमा उत्रिन कार्यकर्तालाई निर्देशन

काठमाडौं ,२ मंसिर। नेकपा (एमाले)अध्यक्ष केपी शर्मा ओलीले सरकार एमालेप्रति निर्मम भएर उत्रिएकाले त्यसको प्रतिरोधका लागि तयार रहन अगुवा कार्यकर्ताहरुलाई निर्देशन दिनु भएको छ ।आज

एमाले विकासको नायक हो : केपी ओली

काठमाडौ २ कार्तिक । नेकपा एमालेका अध्यक्ष केपि शर्मा ओलीले नेकपा एमाले विकासको नायक रहेको बताउनु भएको छ । एमालेको राष्ट्रियभेलालाई सम्बोधन गर्दै उहाँले भन्नु

अस्ट्रेलियाको क्रिसमस टापुमा रातो गंगटाको वार्षिक बसाइँसराइ सुरु

क्रिस्मस् (आईल्याण्ड),२ मंसिर । अस्ट्रेलियाको क्रिसमस टापुमा लाखौँ रातो गंगटो (रेड क्र्याब) आफ्नो वार्षिक प्रजनन यात्राका लागि जंगलबाट समुद्रतर्फ निस्किएका छन् । वर्षायामको पहिलो वर्षासँगै