सति प्रथा उन्मूलन गरेजस्तै गरी बोक्सी प्रथाको समेत उन्मूलन गर्नु आवश्यक

बोक्सी प्रथा विरुद्धको अभियानमा ‘अग्निदहन’, चलचित्र उपन्यास भन्दा राम्रो बनेको दाबी

 

 

दमक, कार्तिक २९

यो दृष्य हेर्दा अहिले नयाँ पुस्तालाई यो के होला भन्ने लाग्ला । तर अहिले पनि बोक्सा बोक्सी हुन्छ भन्ने मानेर यातना दिइने यो प्रथा जनचेतना कम भएको क्षेत्रमा उस्तै जरा गाडेर बसिरहेको छ ।

चलचित्र बजारमा छक्कापञ्जा, १२ गाउँको प्रभाव रह्यो । अनि अहिले पूर्णबहादुरको सारंगीले सबैलाई धुरुधुरु रुवाएर मन जितिरहेको छ । यही मेसोमा अब यी चलचित्र भन्दा अलि फरक जनरामा बोक्सा बोक्सीलाई अपराधका रुपमा लिएको चेतनामूलक सामाजिक चलचित्र ‘अग्निदहन’ प्रदर्शनको तयारीमा छ ।

 

लोकमणि पौडेलको उपन्यासमा आधारित चलचित्र ‘अग्निदहन’ मंसिर ७ गतेबाट देशभर प्रदर्शनको तयारीमा रहेको सन्दर्भसहित यसको निर्माण पक्षले चलचित्रको प्रचार प्रसारको क्रम अघि बढाइरहेको छ । यसैबीच बिहीबार दमकस्थित डीम्याक्स मिनेमाजमा पत्रकार सम्मेलन गर्दै निर्माण पक्षले चलचित्र बोक्सी प्रथाको विरुद्ध सचेतनाको अभियानसँग जोडिएर आएको जानकारी गराएको छ ।

 

‘मान्छे बोक्सी हुन्न कहिल्यै राष्ट्रिय जागरण प्रतिष्ठान नेपाल’ पोखराले निर्माण गरेको सो चलचित्रका निर्देशक घनश्याम लामिछानेले चलचित्र उपन्यास भन्दा पनि राम्रो बनेको दावी गर्नुभयो ।

 

निर्देशक लामिछानेको चलचित्र प्रदर्शनको हिसावले यो दोस्रो र निर्देशनको संख्याका आधारमा पाँचौं हो ।

 

५ वर्ष अघि निर्माण भएर बोक्सी प्रथा विरुद्धको सामाजिक जागरणका रुपमा करिब ५ सय स्थानमा विशेष शो गरिएको चलचित्र व्यवसायिक हिसावले यसबेला हलहरुमा प्रदर्शनमा आएको छ ।

 

विशेष चलचित्र पुरस्कार ०७५ बाट पुरस्कृत भएको चलचित्रको प्रसंग अघि सार्दै निर्माता संस्थाका विशिष्ट संरक्षक मोहनराज पौडेलले समाज परिवर्तनमा यसले महत्वपूर्ण भूमिका निर्वाह गर्ने उल्लेख गर्नुभयो ।

 

 

चलचित्रको शिर्ष भूमिकामा रहनु भएका चर्चित अभिनेता प्रकाश घिमिरे, प्रमिला तुलाचन, प्रतिष्ठानकी केन्द्रीय सदस्य कमला पाण्डेको टोलीले पत्रकारहरुसँग भेटघाट गरेको छ । सामाजिक गतिविधिमा सामेल भएको र विशेष सन्देशमूलक चलचित्र खेल्न रुचाउने भएकाले आफूले अग्निदहनमा अभिनय गरेको कलाकार प्रकाश घिमिरेले प्रसंग अघि सार्नुभयो ।

 

 

सति प्रथा उन्मूलन गरेजस्तै गरी बोक्सी प्रथाको समेत उन्मूलन गर्नु आवश्यक रहेको आफूले पनि महसुस गरेर चलचित्रमा बोक्सीको पात्रका रुपमा माइली दमिनी भएर अभिनय गरेको कलाकार प्रमिला तुलाचनले उल्लेख गर्नुभयो ।

 

 

अंग्रेजीमा सव टाइटल राखेर चलचित्रलाई हिन्दी भाषामा समेत डबिङ गरिएको छ । अब भोजपुरी, मैथिली भाषामा समेत डबिङ गर्ने क्रम अघि बढाइएको छ । यसलाई जनवरीमा विदेशमा समेत प्रदर्शनको चाँजोपाँजो मिलाउँदै गरेको निर्माण पक्षले जनाएको छ ।

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

करोडौँ ठगी आरोपमा फरार बराह सहकारीका अध्यक्ष लामिछाने पक्राउ

धरान,२ मंसिर । धरानको बराह बचत तथा ऋण सहकारी संस्थाका अध्यक्ष शिवकुमार लामिछाने (विश्वकर्मा)पक्राउ पर्नु भएको छ । बचतकर्ताको बचत हिनामिना गरेर लामो समयदेखि फरार

दमकमा चलिरहेको आदिवासी जनजाती महोत्सव कस्तो? के भन्छन हेर्न जाने दर्शक ?

दमक, २ मंसीर । रातको समय । मंसीर महिना लागीसक्यो । चिसो हावा चलीरहेको थियो । त्यसमाथी रतुवा नदिको किनार । चीसोको सिरेटो नचल्ने कुरै

जन्मदिनको अवसरमा मानव सेवा आश्रममा भोजन

दमक, मंसिर २ । जन्मदिनको अवसरमा हुने फजुल खर्च कटौती गर्दै दमकमा एक परिवारले मानव सेवा आश्रममा रहेका अशक्त तथा असहायलाई भोजन गराएको छ।दमक–६ निवासी

प्रधानमन्त्री शाह र भारतीय राजदूत दलेला बीच आसन्न भारत भ्रमणबारे छलफल

काठमाडौं,२ मंसिर। प्रधानमन्त्री बालेन्द्र शाह (बालेन) सँग नेपालका लागि नवनियुक्त भारतीय राजदूत सुधाकर दलेलाले सिंहदरबारस्थित प्रधानमन्त्री तथा मन्त्रिपरिषद्को कार्यालयमा भेटवार्ता गर्नु भएको छ।प्रधानमन्त्रीको आसन्न भारत

अध्यक्ष ओलीद्वारा सरकारको दमनविरुद्ध प्रतिरोधमा उत्रिन कार्यकर्तालाई निर्देशन

काठमाडौं ,२ मंसिर। नेकपा (एमाले)अध्यक्ष केपी शर्मा ओलीले सरकार एमालेप्रति निर्मम भएर उत्रिएकाले त्यसको प्रतिरोधका लागि तयार रहन अगुवा कार्यकर्ताहरुलाई निर्देशन दिनु भएको छ ।आज

एमाले विकासको नायक हो : केपी ओली

काठमाडौ २ कार्तिक । नेकपा एमालेका अध्यक्ष केपि शर्मा ओलीले नेकपा एमाले विकासको नायक रहेको बताउनु भएको छ । एमालेको राष्ट्रियभेलालाई सम्बोधन गर्दै उहाँले भन्नु

अस्ट्रेलियाको क्रिसमस टापुमा रातो गंगटाको वार्षिक बसाइँसराइ सुरु

क्रिस्मस् (आईल्याण्ड),२ मंसिर । अस्ट्रेलियाको क्रिसमस टापुमा लाखौँ रातो गंगटो (रेड क्र्याब) आफ्नो वार्षिक प्रजनन यात्राका लागि जंगलबाट समुद्रतर्फ निस्किएका छन् । वर्षायामको पहिलो वर्षासँगै