दमक, मंसिर ८
परिवारका सदस्य कोरियामा काम गरिरहेका छन् भने उनीहरुको पारिवारमा ती सदस्यको कमाईले के प्रभाव पारिरहेको छ भन्ने बारेमा बुझ्ने काम भएको छ ।
साथै कोरियाको कमाईलाई नेपालमा कसरी उत्पादनमा लगाउने र त्यसमा परिवारको भूमिका के हुन्छ भन्नेबारेमा एकदिने अभिमुखीकरण तालिम पनि सम्पन्न भएको छ ।
दमकमा कोरिया इन्टरनेशनल कोअपरेशन एजेन्सी अर्थात (कोइका)को आर्थिक सहयोगमा के-हामी परियोजनाले कोरियामा काम गरिरहेका नेपालीका परिवारसग संवाद गरेको छ ।
कोरियामा काम गरिरहेका नेपाली युवाहरुलाई नेपाल फर्केर गर्नसक्ने उद्धम तथा पेशाका बारेमा कोरियामा नै तालिम दिई स्वदेश फर्केपछि फेरि विदेश जानु नपर्ने परिस्थती निर्माण गर्न त्यसको जग नेपालमा रहेका परिवारले पहिलैदेखि सुरु गरिदिने हो भने कोरियाको कमाईलाई यहाँ उत्पादनमा जोड्न मद्यत पुग्ने विश्वास व्यक्त गर्नु हुन्छ के-हामी परियोजनाका कार्यक्रम संयोजक दिपक न्यौपाने ।
कार्यक्रममा झापा र मोरङका गरी १ सय भन्दा बढी परिवारको सहभागिता रहेको थियो । दमक २ स्थित दमक फन पार्कमा सम्पन्न भएको कार्यक्रममा कोइका परियोजना प्रबन्धक कोरियन नागरिक यङ यल स ले पैसाको प्रयोग र यसको चलायमानताले अर्थतन्त्रमा पार्ने प्रभाव र असरका बारेमा सरल ढंगले प्रस्तुति दिनु भएको थियो ।
अधिकांश सहभागी दमकका रहेका थिए भने यो कार्यक्रमको उद्धघाटन पनि दमक नगरपालिकाका प्रमुख राम कुमार थापाले गर्नु भएको थियो । कार्यक्रमको स्थानीय व्यवस्थापन कोरियाबाट फर्कनु भएका राम पौडेलले गर्नु भएको थियो । कार्यक्रममा कोरियाबाट आफ्ना परिवारका सदस्यहरुले पठाएको पैसाको सही सदुपयोग गर्दै सामूहिक उत्पादनमा लगानी गराउन सकियोस् भन्ने उद्धेश्य राखिएको थियो ।
भिडियो हेरौ
