दमक, मंसिर २५
सिरियाली सञ्चारमाध्यमका अनुसार इजरायली लडाकू विमानले राजधानी दमास्कससहित देशभर दर्जनौँ आक्रमण गरेका छन् ।बेलायतस्थित सिरियन अब्जरभेटरी फर ह्युमन राइट्स (एसओएचआर) ले सैन्य लक्ष्यमा १०० भन्दा बढी आक्रमण भएको जनाएको बिबिसिले जनाएको छ ।
स्थानीय सञ्चार माध्यमलाई हवाला दिदै बिबिसिले लेखेको छ ‘ रासायनिक हतियार उत्पादनसँग जोडिएको आशङ्कागरिएको अनुसन्धान केन्द्र पनि प्रभावित भएको छ ।’इजरायलले असद शासनलाई अपदस्थ गरेपछि ‘चरमपन्थीको हातमा पर्ने हतियार’ रोक्नका लागि कदम चालेको बताएको छ ।इजरायलले असद शासनलाई अपदस्थ गरेपछि ’चरमपन्थीको हातमा पर्ने हतियार’ रोक्नका लागि कदम चालेको बताएको छ ।
राष्ट्रपति बशर अल असदको पतनपछिको अवस्थाबारे छलफल गर्न सोमबार संयुक्त राष्ट्रसंघ सुरक्षा परिषद्को बैठक बसेको थियो र आगामी दिनमा वक्तव्यजारी गर्ने बताएको थियो ।
सिरियाले सन् २०१३ मा राजधानी दमास्कसको उपनगरीय इलाकामा रासायनिक हतियार आक्रमण गरेको एक महिनापछि ओपीसीडब्लुको रासायनिक हतियार प्रमाणपत्रमा हस्ताक्षर गरेको थियो ।
पीडामा डुबेका पीडितहरूको डरलाग्दो तस्बिरले संसारलाई स्तब्ध बनायो। पश्चिमा शक्तिराष्ट्रहरूले यो आक्रमण सरकारले मात्र गर्न सक्ने बताए पनि असदले विपक्षीलाई दोष दिएका छन् ।
ओपीसीडब्लु र संयुक्त राष्ट्रसंघले सिरियाली सरकारले घोषणा गरेको सबै १,३०० टन रसायन नष्ट गरे पनि देशमा रासायनिक हतियार आक्रमण जारी छ।
