इलाम, पुष ३
इलामलगायत देशका पूर्वी पहाडी जिल्लामा किबीको राम्रो उत्पादन हुन्छ । यसको उत्पादन बढाउन भनेर पालिका देखी सरकारका अन्य तहले समेत अनुदान दिने गरेका छन । तर उत्पादन भए पनि प्रशोधिकरणका लागि कुनै उद्योग छैनन् ।
किबीको वाइन बनाउन गाउँगाउँमा थालिए पनि यसले निरन्तरता पाउन सकेन । केही किसान आफैँले स्थानीयस्तरमा नै अचार बनाएर उद्योग नै स्थापना गर्ने योजनामा भएपनि प्रशोधिकरण हुन नसक्दा त्यसको मूल्य ओरालो लाग्दै गएको छ ।
स्वादिलो फल किबीबाट किसानले धेरै परिकार बनाउन सक्ने भए हाल पाकेको खानेबाहेक अन्य प्रयोजनमा प्रयोग नगर्ने गरेको किसान आफैँ बताउँछन् ।
भान्सामा स्वादका लागि अचार प्रयोग हुन्छ । किबीबाट अमिलो र गुलियो स्वाद पाइने हुँदा अचार राम्रो हुन्छ । तर व्यावसायिक रुपमा अचार बनाउन पहल भइरहेको छैन ।
धेरै पोष्टिक तत्वले भरिपूर्ण मानिएको किबी फल नेपालको इलामसहित काभ्रे, पाँचथर, सङ्खुवासभालगायत जिल्लामा खती हुँदै आएको छ ।
