दमक, पुष ३
काम खोज्दै विदेशीने नेपाली बढिरहेका छन् । नेपालमा कामको कम अवसर देखेपछि विदेशी यूवाको संख्या बढिरहेको छ । यसै शिलशिलमा पछिल्लो एक दशकमा भारतबाहेक १ सय ७३ मुलुकमा ६० लाख ९८ हजार ८० जना नेपाली श्रमिक पुगेका छन् ।
जसमा ५६ लाख ८१ हजार ६ सय २७ पुरुष र ४ लाख १६ हजार ४ सय ५३ महिला छन् ।
यो संख्या वैदेशिक रोजगार विभागबाट सन् २०१४ जनवरी १ देखि २०२४ को जुलाई १६ सम्म वैधानिक रूपमा श्रम स्वीकृति लिई गएकाको मात्र हो ।
यसबाहेक व्यक्तिगत पहुँच वा अन्य उपायबाट विभागसँग श्रम स्वीकृति नलिईकनै गएकाको संख्या सरकारी अभिलेखमा छैन । पछिल्लो एक दशकमा लिबिया, सिरिया, बर्मा, मेक्सिको, जिबुती, इक्वेडर र गुआनामा जान श्रम स्वीकृति लिइएको छैन ।
विभागबाट श्रम स्वीकृति लिई सबैभन्दा बढी कतारमा १६ लाख ६ हजार ५ सय २१ जना पुगेका छन् ।
सबैभन्दा कम भने सुरिनाममा एक जना मात्र पुगेको देखिन्छ ।
सुरिनामा एकजना मात्रैले श्रम स्किृती लिएकोले यो देशमा एकजना मात्रै नेपाली कामदार रहेको सरकारी अभिलेख छ ।
