दमक, पुस ३
दमक १ मा रहेको चुलाचुली अग्रेजी बोर्डिङ स्कुलको अन्तरसदन लिग तथा नकआउट फुटबल प्रतियोगिता आज सम्पन्न भएको छ ।
गत मंसिर २३ गतेबाट सुरु भएको प्रतियोगितामा आज फाइनल खेलमा जुनियर तर्फबाट पायल प्रथा सदनले उपाधि जितेको छ । उसले यूनिस भट्टराई सदनलाई कुनैपनि गोल गर्न नदिई निरन्तर २ गोल गरेर जित आफ्नो पक्षमा पारेको हो । यता सिनियर तर्फ भने यूनिस भट्टराईको सदनले जित निकालेको छ । उसले प्रीजा राई समूहलाई २ का बिरुद्ध ३ गोल लगाएर जित निकालेको हो ।
प्रतियोगिताको च्याम्पियन यूनिस भट्टराई सदन भएको छ भने उत्कृष्ट खेलाडी अनिस वान्तावा राई भएका छन् । राईले नै लगातार ६ गोल गरेका कारण उत्कृष्ट स्कोरर पनि घोषित भएको विद्यालयले जनाएको छ । प्रतियोगिताको बिजेतालाई मेडल, ट्रफि र प्रमाणपत्र समेत वितरण गरिएको थियो ।
विद्यार्थीहरुलाई यसखाले प्रतियोगिता गराउँदै सो विद्यालयले जिल्ला स्तरका प्रतियोगितामा ५ पटक र प्रदेश स्तरीय प्रतियोगितामा २ पटक उपाधि जितिसकेको छ ।
