काठमाडौ, ६, बैशाख/ नेपाल धितोपत्र बोर्ड (सेबोन) को अनिर्णयका कारण मुलुकका ४४ जलविद्युत् कम्पनीले २२ महिनादेखि सर्वसाधारणका लागि शेयर (आईपीओ) जारी गर्न सकेका छैनन् ।
१९ अर्ब ८८ करोड ८८ लाख ८३ हजार रुपैयाँ बराबरको पुँजी सङ्कलन गरी आयोजना सम्पन्न गर्ने उद्देश्यका साथ बोर्डसँग ४४ कम्पनीले अनुमति माग गरेका छन् । तर, बोर्डले अनुमति प्रदान गरेको छैन ।२०८१ सालमा अन्य क्षेत्रका आईपीओ जारी हुँदा जलविद्युत् कम्पनीहरू अनिर्णयको बन्दी बनेका छन् ।
विद्युत् कम्पनीले एउटैमात्र पनि आईपीओ जारी गर्न सकेन । जलविद्युतका क्षेत्रमा लगानी गर्न पर्खिरहेका ४४ कम्पनीको २२ महिनादेखि ‘पर्ख र हेर’ भन्दा विकल्प छैन ।आईपीओको पाइपलाइनमा ४४ वटा कम्पनी अड्किँदा त्यसको असर ८८ जलविद्युत कम्पनीमा परेको ऊर्जा व्यवसायीहरू बताउँछन् ।
