एजेन्सी, २४ बैशाख / भारतले पाकिस्तान अधीनस्थ कश्मीरमा रहेका ९ आतङ्कवादी अड्डाहरूमा बुधबार विहान हवाई हमला गरेको छ । जसमा ३० जनाको ज्यान गएको छ ।
भारतमा आतङ्कवादी हमलाहरूको योजना बनाइएका बहावलपुर, मुरिदके, बाग, कोटली र मुजफ्फराबादमा ’अपरेशन सिन्दूर’ अन्तर्गतका स्थानमा राति करिब १ः३० बजे आक्रमण गरिएको थियो ।
१५ दिन अघि भएको भारतको पहलगाम आक्रमणको बदलामा यसखाले हवाई आक्रमणमा परी ३० जनाको मृत्यु भारतीय सञ्चार माध्यम दैनिक भास्करले जनाएको छ । यद्यपि पाकिस्तानले भने आक्रमणमा तीन बालबालिकासहित सात जनाको ज्यान गएको बताएको छ । पाकिस्तानी सूचना मन्त्री अतुल्लाह तरारले भारतले सीमा नै पार गरेको प्रतिक्रिया दिँदै यसको प्रतिकार गर्ने चेतावनी दिनु भएको छ ।
भारतले २४ वटा क्षेप्यास्त्र प्रहार गरेको पाकिस्तानको इन्टर–सर्भिसेज पब्लिक रिलेसन्सका निर्देशक लेफ्टिनेन्ट जनरल अहमद शरीफ चौधरीले जनाउनु भयो ।
