दमक । २४ बैशाख — दमक नगरपालिका खेलकुद विकास समितीले आयोजना गरेको खेलकुद महोत्सव अन्तर्गत क्रिकेट प्रतियोगीता आजबाट सुरु भएको छ । दमक २ स्थित बेलडाँगी खेलमैदानमा सुरु प्रतियोगिता अन्तर्गत आज सम्पन्न खेलमा वडा नम्बर ९ बिजयी भएको छ ।
वडा नम्बर ९ र वडा नम्बर १ बिच आज भएको खेलमा वडा नम्बर ९ बिजयी भएको हो । टस जितेर बलिङ रोजेको वडा नम्बर १ लाई ब्याटिङको निम्तो पाएको वडा नम्बर ९ ले ४४२ रनको बिजयी लक्ष्य पेस गरेको थियो । जबाफी ब्याटिङमा उत्रिएको वडा नम्बर १ , २६ रनमा अलआउट भएको क्रिकेट प्रतियोगिताका संयोजक अभिष खनालले जानकारी दिनुभयो ।
महोत्सवको औपचारिक उद्धघाटन भने २७ गते हुने छ । यसमा विभिन्न ७ वटा विधाका खेलहरुमा प्रतिपर्धा हुने छ । महोत्सवमा दमक नगर भित्रका १० वटै वडाबाट सवै विधाका खेलाडीहरुले सहभागिता जनाउने छन् ।
दमकमा सबै खेलका खेलाडीहरुको टिम तयार गर्न यसखाले महोत्सवको आयोजना गरिएको महोत्सव संयोजक तारा अधिकारीले जानकारी दिनुभयो ।
