दमक, २ जेठ / ‘पृथ्वी नै डेरा हो, सबैले भाडा तिर्नु छ । मान्छे आफैँ पाहुना, भोलि घर फर्किनु छ । तेरो–मेरो के कुरा, के घर, के डेरा’ । यी सशक्त हरफ चलचित्र ‘के घर के डेरा : घर नं २’ को टिजरमा उल्लेख यी संवाद जीवनका यथार्थ र मार्मिक लाग्छन् ।
चर्चित साहित्यकार बुद्धिसागर चपाईंको पहिलो लेखन र निर्देशक दीपेन्द्र के. खनालको निर्देशनमा तयार चलचित्रले जीवनको यथार्थमा आधारित कथा भनेको छ ।
चलचित्रमा खगेन्द्र लामिछाने, निश्चल बस्नेत, उपासना सिंह ठकुरी, आर्यन सिग्देल, केकी अधिकारी, प्रकाश घिमिरे, श्रृजना नापित, संजोग रसाइली, रुविना घिमिरे, सुरज विष्ट लगायतका कलाकारको दमदार अभिनय रहेको छ ।
फिल्म एप्पल इन्टरटेन्मेन्ट, ए प्लस इन्टरटेन्मेन्ट र नटराज क्रिएसनको संयुक्त प्रस्तुतिमा निर्माण भएको हो । कार्यकारी निर्माता युवराज कार्की तथा निर्माण टोलीमा नकिमउद्दिन, शरद श्रेष्ठ र किरण महर्जन रहनु भएको छ । चलचित्रको छायांकन कृष्णबहादुर थापाको रहेको छ ।
