दमक, ५ जेठ / झापाको बिर्तामोड नगरपालिकास्थित नागरमोडे क्षेत्रबाट प्रहरीले करिब ३ करोड ६१ लाख बराबरको अवैध सामानसहित तीनवटा भारतीय नम्बर प्लेटका कन्टेनरलाई नियन्त्रणमा लिएको छ ।
राति करिब ११ः१० बजे भारततर्फ फर्किने क्रममा तीनवटा भारतीय कन्टेनरहरूलाई विशेष सूचनाको आधारमा नियन्त्रणमा लिइएको जिल्ला प्रहरी कार्यालय झापाले जनाएको छ । कन्टेनरहरूमा भारतबाट नेपाल भित्र्याइएको ट्रक कम्बाइन हार्भेष्टर रहेको छ ।
प्रहरीका अनुसार ती सामानको मूल्य करिब ३ करोड ६१ लाख रुपैयाँ बराबर रहेको छ । सामान तथा कन्टेनरहरू बरामद गरी आवश्यक कारबाहीका लागि भन्सार कार्यालय इनरुवामा बुझाइएको र थप अनुसन्धान कार्य भइरहेको जिल्ला प्रहरी कार्यालय झापाले जनाएको छ ।
झापा प्रहरीले नियन्त्रणमा लिएका कन्टेनरहरूको तस्वीर पनि सार्वजनिक गरेको छ । भारततर्फ फर्कने क्रममा यस्तो अवैध सामान फेला पारिनु भन्सार छल्ने प्रयास भएको प्रहरीको आशंका छ । सो घटनापछि झापा प्रहरीले सीमावर्ती क्षेत्रहरूमा निगरानी कडा बनाएको जनाएको छ ।
