दमक , २२ असार । दमकमा ‘प्रथम ध्रुवतारा खुला फुटसल प्रतियोगिता–२०८२’ हुने भएको छ । दमकको पुरानो क्लब ध्रुवतारा स्पोर्टिङ क्लबले प्रतियोगिता गर्न लागेको हो । यही साउन २ र ३ गते हुने प्रतियोगिताका लागि तयारी सुरु गरिएको क्लबका सचिव हिरामणि खड्काले जानकारी दिनु भएको छ ।
प्रतियोगितामा सहभागी हुने टिमका बारे तयारी सुरु गरिएको छ । सचिव खड्काका अनुसार प्रतियोगिता दमक–५ स्थित बिस्ट फुटसल मैदानमा हुनेछ । प्रतियोगितामा दमकसहित झापा, मोरङ, सुनसरी र इलामका दुई दर्जन फुटसल टिमले भाग लिने उहाँले बताउनु भयो ।
प्रतियोगिताको विजेताले नगद ७० हजारसहित ट्रफी, मेडल र प्रमाणपत्र प्राप्त गर्नेछ भने उपविपजेताले नगद ३५ हजारसहित ट्रफी, मेडल र प्रमाणपत्र पाउनेछन् । प्रत्येक खेलको प्लेयर अफ द म्याच, प्रतियोगिताका उत्कृष्ट गोलकिपर, उच्च गोलकर्ता र सर्वोत्कृष्ट खेलाडीसहित विभिन्न विधागत पुरस्कारहरु समेत प्रदान गरिने क्लबले जनाएको छ ।
