दमक, २२ असार । उदयपुरको कटारीमा जेसीबी पल्टिँदा जेसीबी चालकका छोराको किचेर मृत्यु भएको छ ।
हिजो साँझ कटारी –८ दमारस्थित सिद्धिचरण लोकमार्गमा को १ क २७९५ नम्वरको जेसीबी आफै अनियन्त्रित भई सडक छेउबाट अन्दाजी ३० मिटर तल खसेर दुर्घटना भएको प्रहरीले बताएको छ।
दुर्घटनामा जेसीबी चालक कटारी–१० सोरुङ सल्ले बस्ने खड्गबहादुर श्रेष्ठका छोरा २२ वर्षीय नवीन श्रेष्ठको घटनास्थलमै मृत्यु भएको हो ।सोही जेसीबीको चक्काले उनको ढाडमा किचेको थियो । गएराति घटनास्थलको कानुनी प्रक्रिया पुरा गरी शव पोस्टमार्टमको लागि प्रादेशिक अस्पताल कटारी पठाइएको प्रहरीले जनाएको छ ।
