पथरी, १४ साउन
मिस्टर नेपाल २०२५ को प्रतिष्पर्धामा सहभागि पथरी शनिश्चरेका स्थानीय युवा प्रकाश चौहानलाई नगरपालिकाको तर्फबाट शुभकामना प्रदान गरिएको छ ।
नगर प्रमुख मोहनप्रसाद तुम्वापो, उपप्रमुख देवीमाया काफ्लेले प्रकाश चौहानसँग भेटघाट गर्दै प्रतियोगितामा जितको शुभकामना व्यक्त गर्नुभयो ।
यसैगरी, नगर प्रवक्ता एवम् ८ नम्बर वडाअध्यक्ष नवीन कार्की र ४ का अध्यक्ष लोकनाथ न्यौपानेले पनि अलगत रुपमा वडा कार्यालयमा चौहानलाई स्वागत गर्दै जितको शुभकामना व्यक्त गर्नुभएको छ ।
पथरी शनिश्चरे वडा नं. ४ का चौहान यसअघि मिस्टर नेपाल २०२४ प्रतियोगिताको टप ७ फाइनलिस्ट र ‘मिस्टर एक्टिभ राउण्ड’ का विजेता समेत भइसक्नुभएको छ । नगरपालिका र वडाको समर्थनप्रति आभार प्रकट गर्दै चौहानले भन्नुभयो–‘मैले यस वर्ष निक्कै मेहनत गरेको छु । एक वर्षको निरन्तर अभ्यास र प्रयास अब म यस पटक देखाउनेछु । मलाई आशा छ, तपाईंहरूको साथ र सहयोग सधैं रहिरहनेछ ।’
