सुनसरी | २३ साउन | कोशी ब्यारेजमा पानीको बहाव खतराको तह नाघेको छ। शुक्रबार साझको मापनअनुसार बहाव १ लाख ५५ हजार ७७५ क्युसेक पुगेको छ, जसलाई खतराको स्तर मानिन्छ।
जल तथा मौसम विज्ञान विभागका अनुसार पानीको सतह निरन्तर बढ्दो क्रममा (Trend: Rising) रहेको छ, जसले तलतिरका क्षेत्रमा बाढीको जोखिम उच्च बनाएको छ। विभागका प्राविधिकहरूले कोशी तटीय क्षेत्रमा बसोबास गर्ने सर्वसाधारणलाई सतर्क रहन र आवश्यक परे सुरक्षित स्थानतर्फ सर्न आग्रह गरेका छन्।
सुरक्षाकर्मी र स्थानीय प्रशासनले सम्भावित क्षति न्यूनिकरणका लागि निगरानी र तयारी कार्यलाई तीव्र पारेका छन्।
