दमक, ३१ साउन । दमक ७ मा रहेको राधाकृष्ण मन्दिर र दमक ९ मा रहेको श्रीकृष्ण प्रणामी मन्दिरमा भव्य कार्यक्रम गरि कृष्णजन्माष्टमी मनाइरहिएको छ ।
दिउँसोको समयमा बिभिन्न भजन कृतन तथा अन्य साधनाका कार्यक्रम गरिए भने साँझ अझ भव्य साङ्गीतीक महाउत्सव नै हुने जनाइएको छ । दमक बजारमा रहेको राधाकृष्ण मन्दिरमा भेटिनु भएकी भक्तजन गीता आचार्यले दमकमा मनाइरहिएको कृष्णजन्माष्टमीले सामाजीक एकताको सन्देश दिएको प्रतिकृया दिनुभएको छ ।
यस्तै दमक ९ मा रहेको श्रीकृष्ण प्रणामी मन्दिरका अध्यक्ष प्रेम भट्टराईले श्रीकृष्ण प्राकाट्य उत्सव मनाउने तयारी भइरहेको जानकारी दिनुभयो ।
साँझ ७ः३० बजे देखी रातको १२ बजे सम्म बिभिन्न सास्कृतीक कार्यक्रमका साथमा श्रीकृष्णकोको प्रत्यक्ष प्रकट हुने बेला सम्म आरधना सहित बस्ने बताउनु भयो । त्यस समयमा कोशी प्रदेशका मुख्यमन्त्री हिकमत कुमार कार्की समेत आएर दर्शन गर्ने कार्यक्रम रहेको उहाँले जानकारी दिनुभयो ।
दमक बजारमा रहेको राधाकृष्ण मन्दिर र श्रीकृष्ण प्रणामी मन्दिर दुवै तर्फ भक्तजनहरुको उल्लेख्य उपस्थिती देख्न सकिन्छ । रातको १२ बजे सम्म बसेर भगवान श्रीकृष्णको प्रकट भएको हेर्न सबै आतुर भएर बस्नु भएको छ ।
