दमक, १ भदौ | व्यवसायसँगै सामाजिक दायित्व भन्ने सन्देशलाई आत्मसात् गर्दै आईएमई लाइफ इन्स्योरेन्सले आफ्नो आठौँ वार्षिक उत्सव विशेष रुपमा मनाएको छ ।
कम्पनीले दमक–९ स्थित दमक अनाथ बाल आश्रम पुगेर ३२ जना बालबालिकासँगै खाना पकाएर सामूहिक भोजन कार्यक्रम सम्पन्न गरेको हो ।
आश्रमका बालबालिकासँग घुलमिल हुँदै कर्मचारी तथा प्रतिनिधिहरूले आफैँ खाना पकाएर बालबालिकासँगै बसेर खाएका थिए । कम्पनीका दमक शाखा प्रमुख निङमा शेर्पा तथा अन्य कर्मचारीहरूको सहभागितामा आयोजित उक्त कार्यक्रमले बालबालिकामा आत्मीयता र उत्साह थपेको आश्रम व्यवस्थापकहरूले जनाएका छन् ।
कार्यक्रमअन्तर्गत कम्पनीले आफ्नो विगत सात वर्षको कार्यप्रगति, ग्राहकहरुबीचको विश्वास र आगामी योजनाहरुबारे समिक्षात्मक अन्तरक्रिया पनि सञ्चालन गरेको थियो ।
कार्यक्रममा बोल्दै प्रतिनिधिहरूले सामाजिक उत्तरदायित्व अन्तर्गत यस्ता अभियानलाई थप व्यवस्थित र निरन्तर बनाइने प्रतिबद्धता व्यक्त गरे ।
स्थानीयहरूले सामुदायिक भावनाले प्रेरित यस्तो कार्यले समाजमा सकारात्मक सन्देश प्रवाह गरेको बताए ।
