दमक, ८ भदौ । लागूऔषध ब्राउनसुगरसहित धुलावारीका दुई दाजुभाइ पक्राउ परेका छन् ।
शनिबार साँझ ७ बजे मेचीनगर –१० पाथिभरा टोलस्थित बाँसघारीमा लागूऔषधको कारोबार भइरहेको भन्ने गोप्य सूचनाको आधारमा इलाका प्रहरी कार्यालय धुलाबारीबाट प्रहरी निरीक्षक पाण्डवकुमार राजबंशीको कमाण्डमा खटिएको प्रहरी टोलीले सोही ठाउँ बस्ने २८ वर्षीय लुङगा भन्ने सन्दिप लिम्बूलाई शंका लागेर चेकजाँच गर्ने क्रममा उनको साथबाट प्लाष्टिकबाहेक ४ ग्राम ४० मिलिग्राम ब्राउनसुगर फेला परेको प्रहरीले जनाएको छ ।
संगै रहेका उनका भाइ २४ वर्षीय अर्जुन लिम्बू समेतलाई नियन्त्रणमा लिई इलाका प्रहरी कार्यालय धुलाबारीमा ल्याई आवश्यक थप अनुसन्धान भइरहेको प्रहरीले बताइएको छ ।
